अप्सरा बुढा
टीकापुर/केही दिनदेखि चलिरहेको शीतलहरले गर्दा अत्याधिक जाडो बढन थालेपछि तराईको जनजीवन प्रभावित बनेको छ ।
गत पुस २८ गतेदेखि एक्कासि शीतलहर चल्न थालेपछि जाडो बढन गई बालबालिका, वृद्धवृद्धा असहाय, गरिब विपन्न र श्रमिकलाई जीवनयापन गर्न निकै कठिनाइ भइरहेको छ ।
शितलहरका कारण अत्यधिक जाडाे बढेर जनजिवन प्रभावित भएको भन्दै कैलालीका केही सामुदायिक वनले चाेक चाेकमा नि:शुल्क वितरण गरेका छन् । भने कतिपय स्थानीय निकायका वडा कार्यालयहरुले जेष्ठ नागरिकहरुलाइ न्यानो कपडाहरु वितरण गरिरहेका छन् ।
ज्यालादारी, मजदूरी गर्ने बाहेकका मान्छे जाडोका कारण अति आवश्यक कामबाहेक घरबाट बाहिर ननिस्कँदा हाटबजार, सरकारी कार्यालय, यातायात समेतमा चहलपहल कम देखिएको छ ।
अत्यधिक जाडो बढेपछि सर्वसाधारणले ठाउँठाउँमा आगो बालेर जाडो छल्ने गरेका छन् ।
शुक्रबार देशभर आंशिक देखि सामान्यतया बदली रहनेछ। हरेक प्रदेशका केही स्थानहरूमा हल्का वर्षाको सम्भावना रहेको छ। देशका उच्च पहाडी तथा हिमाली भू-भागका केही स्थानमा हल्का हिमपातको सम्भावना छ।
शनिबार दिउँसो देशभर आंशिक बदली रहने, देशका उच्च पहाडी तथा हिमाली भूभागका केही स्थानमा हल्का हिमपातको सम्भावना रहेको महाशाखाले जारी गरेको मौसम बुलेटिनमा उल्लेख छ ।वर्षा र हिमपातले देशभर चिसो बढ्ने क्रममा रहेकाले चिसोबाट बच्न र त्यसको प्रभावबाट जोगिन आवश्यक सुरक्षा तथा सतर्कता अपनाउनसमेत महाशाखाले आग्रह गरेको छ ।
