टीकापुर/जिल्ला कोभिड–१९ संकट व्यवस्थापन केन्द्र कैलालीले किनमेल गर्न भारतकाे तिकुनियां र गाैरीफन्टा जान राेक लगाएको छ ।
जिल्ला कोभिड–१९ संकट व्यवस्थापन केन्द्र(डीसीसीएमसी) कैलालीले किनमेल गर्न सीमानाका पार गरेर भारतीय बजार जाने नेपालीलाई बन्देज लगाउने निर्णय गरेको हाे ।
बिहीवार कैलालीका प्रमुख जिल्ला अधिकारी किरण थापाको अध्यक्षतामा बसेको बैठकले उक्त निर्णय गरेको हो।
भारतमा कोरोना संक्रमण दर बढीरहेको अवस्थामा कैलालीबाट दैनिकजसो नेपालीहरु त्यहाँ जाने गरेकाले उक्त निर्णय गरिएको जिल्ला प्रशासन कैलालीका सूचना अधिकारी शिवराज जोशीले बताउनुभयाे । किनमेल लगायतका कामले सीमा नाका ओहोर दोहरमा रोक लगाउन जिल्ला प्रशासनलाई सिफारिस गरेको जाेशिले बताउनुभयो । अत्यावश्यक काम परेको खण्डामा कोरोना विरुद्धको खोप लगाएको कार्ड देखाएर मात्रै अनुमति लिएर प्रवेश गराउने निर्णय समेत भएको सूचना अधिकारी जोशीले बताउनुभयाे।
