सुखड । कैलालीको घोडाघोडी नगरपालिका– ३ मा रहेको दरख स्वास्थ्य चौकी निम्दीमा बिहीबार महिला तथा पुरुषका लागि स्थायी बन्ध्याकरण (परिवार नियोजन) घुम्ती शिविर आयोजना गरिएको छ । स्वास्थ्य कार्यालय कैलालीको आयोजना सुनौलो परिवार नियोजन (मेरी स्टोप्प) नेपालको सहकार्य तथा घोडाघोडी नगरपालिका सँगको समन्वयमा स्थायी बन्ध्याकरण शिविर आयोजनामा गरेको हो ।
शिविरमा १७ जनाले सेवा लिएको स्वास्थ्य कार्यालय कैलालीले जनाएको छ । जसमा १६ जना महिलाको मिनिल्याप र १ जना पुरुषको भ्यासेक्टोमी गरिएको स्वास्थ्य कार्यालय कैलालीका परिवार नियोजन अधिकृत ओलट नारायण चापागाईँले बताए । सो कार्यक्रममा नगरप्रमुख खडक बहादुर रावत, वडा नम्बर ३ का वडा अध्यक्ष कृष्ण प्रसाद गौतम, स्वास्थ्य कार्यालय कैलालीका परिवार नियोजन अधिकृत ओलट नारायण चापागाँई,स्वास्थ्य शाखा प्रमुख कैलाश कुमार रावत लगायतको सहभागिता रहेको थियो ।
