टीकापुर/कैलालीको टीकापुर लगायत विभिन्न क्षेत्रमा डिजे आतंक बढेको छ ।
रातिकाे समयमा विवाह, जन्मदिन, पास्नि लगायतका नाममा बजाइने डिजे लगायतका सबैखाले बाजा बजाउदा स्थानीयलाई सास्ती भएको छ भने स्थानीय प्रहरी प्रशासन मुख दर्शक बनेको हाे ।
पछिल्लो समय रातिकाे समयमा विवाह,जन्मदिन लगायत विभिन्न उत्सवमा रमाइलोकाे नामा गरिने कार्यक्रममा विभिन्न खाले अपराधिक घटनाहरु घट्न थालेपछि डिजे बाजा बजाउन प्रहरीले राेक लगाएकाे भएपनि खुलेआम राति २/ ३ वजे सम्म स्थानीयलाई असर पर्ने गरी बाजा बजाउदा समेत प्रहरीले चासो देखाएको पाइदैन ।
प्रहरीहरु जहाँ तस्करी हुने र पैसा आउने स्थानमा मात्र जाने भएकोले यतातिर ध्यान नदिएको स्थानीयकाे आराेप रहेकाे छ । रातिकाे समय डिजे बजाएर रमाइलो गर्ने अवस्थामा अपराधिक घटना घट्ने र विभिन्न खालका घटना घट्ने सम्भावना हुने भएकोले प्रहरीले यतातिर ध्यान दिनुपर्ने स्थानीयलकाे भनाइ रहेको छ । त्यसैले पनि रातिकाे समय गरिने सबैखाले कार्यक्रमहरुमा राेक लगाउन जरुरि छ ।
