टीकापुर/ सांसद रेशम लाल चौधरीकाे नयाँ दल दर्ता गर्ने घाेषणा भएको छ ।
शनिबार काठमाडौंमा सांसद चौधरी समर्थित नेता कार्यकर्ताहरुको व्रिहत राजनैतिक छलफल पछि पत्रकार सम्मेलन गर्दै नयाँ दल दर्ता गर्ने घाेषणा गरिएको हाे । सांसद रेशम लाल चाैधरीकि श्रीमती रन्जिता श्रेष्ठ चाैधरीकाे संयोजकमा केन्द्रीय तदर्थ समिति गठन गरिएको छ । नयाँ दलकाे प्रस्तावित नाम नेपाल समाजवादी पार्टी राखिएको छ । भने चुनाव चिन्ह आँखा, फुलकाे घुच्चा र रेललाई विकल्प राखि प्रस्तावित गरिएको छ ।
पुस ९ गते दल दर्ता गर्ने कार्यक्रम रहेको र दल दर्ता पछि सांसद रेशम लाल चाैधरीले नै नयाँ दलकाे नेतृत्व लिनुहुने चाैधरीका कानुनी सल्लाहकार सराेज बुढाथोकीले जानकारी दिनुभयो । नयाँ पार्टीकाे नाम र चुनाव चिन्हकाे खाका बनिसकेको बुझिएको छ ।
मधेसबादि दलबाट राजबन्दिहरुकाे रिहाइ र अन्य मागहरुकाे सम्बाेधन हुन नसक्ने भएकाले नयाँ दल दर्ता गरेर अघि बढ्न लागेकाे सांसद रेशमलाल चाैधरीले जेलमा भएको भेटघाटका क्रममा सत्ती कर्णाली न्युज डटकमलाई जानकारी दिनुभयाे । उहाँले आफू लगायत जेलबन्धिहरुकाे रिहाइकाे लागि मधेसवादी दलहरूले पहल गर्न नसक्ने र आफ्नो नाम भजाएर मात्र खाने भएकाले आफुले मधेसवादी दल त्याग गरि सकेको बताउनुभयो । चाैधरीले अब नयाँ दल दर्ताकाे विकल्प नरहेकोले आफुले नयाँ छुट्टै दल दर्ता गर्न लागेको बताउनुभयो ।
सांसद रेशम चाैधरीकि श्रीमती रन्जिता श्रेष्ठ चाैधरीकाे अध्यक्षतामा भएको कार्यक्रममा उहाँले आफ्नो राजनैतिक कार्य पत्र समेत पेश गर्नुभएको थियाे । राजनैतिक कार्य पत्र अनुसार १०१ सदस्यीय केन्द्रीय समिति,२५ सदस्यीय प्रदेश कमिटी, २५ सदस्यीय जिल्ला कमिटी , २५ सदस्यीय क्षेत्रिय कमिटी, २५ सदस्यीय गाउँ तथा नगर कमिटी र २५ सदस्यीय वडा कमिटी रहने ब्यवस्था रहेको छ ।
केन्द्रीय कमिटी गठन गर्दै प्रदेश, जिल्ला, क्षेत्र, नगर कमिटी गठन गर्दै वडा सम्मका संगठन विस्तार गरिने बताइएको छ ।
कार्यक्रमा टीकापुर – ७ का वडा अध्यक्ष रामलाल डगाैरा थारु, लक्ष्मण किशोर चाैधरी, भजनी- ३ का वडा अध्यक्ष विक्रम चाैधरी, नवलपरासीका मुक्ती थनेट, बांकेका बसन्ती नेपाली, जुम्लाका साेनाम यंकी मुगाल, देविसरा बादी , नेपाल तामाङ महासंघका प्रदिप तामाङ, भजनीका केवल चाैधरी, कपिलवस्तुका राम बहादुर थारु, कैलालीका पुन्न बहादुर बुढा, रेशम लाल चाैधरीका कानुनी सल्लाहकार सराेज बुढाथोकी, दिपक चाैधरी र पुर्व राजपाका कैलाली जिल्ला संयाेजक गंगा चाैधरी लगायतले शुभकामना मन्तव्य राख्नुभएको थियोे । भने कार्यक्रम संचालन समाजसेवी तथा पुर्व शिक्षक दामोदर पन्डित र उर्मिला गमुवा थारुले गर्नु भएको थियोे । शुक्रबार देखि शुरु भएको छलफल कार्यक्रममा पार्टी दर्ताको तयारीका लागि हरेक वटा १३ जिल्लाबाट रेशम चाैधरी समर्थित नेता कार्यकर्ताहरुकाे कार्यक्रममा उपस्थिति रहेकाे थियाे ।
