धनगढी, / धनगढी उपमहानगरपालिकाको कार्यालय अगाडी लाग्ने हाटबजार आज शुक्रबार पनि बिहानै देखि लागेको थियो । आज लागेको हाटबजार अरु दिनको भन्दा फरकै रहेको थियो । प्रायः तरकारीको भाउ बढेको र पहाडको तरकारी भिमदत्त राजमार्ग बन्द हुँदा हाटबजारमा पहिलाको जस्तै तरकारी आइ नपुग्दा भाउ बढेको ब्यापारी दिनेश सिङले बताए ।
अर्का ब्यापारी सुरज सिङले भने “पहाडको तरकारी पर्याप्त मात्रामा आउन सकेन धनगढीमा उत्पादित तरकारी डुबान हँदा सबै कुहिएर नष्ट भयो, त्यसैले पनि तरकारीको भाउ बढेको र अझै बढ्न सक्ने अनुमान गरिन्छ ।”
आलुको १ किलोको पहिला भन्दा रु.१० ले बढेको छ भने, सिम्लाको १ किलोको रु.१३० , लौकाको १ किलाको रु.५० अन्य केहीँ तरकारीको मूल्य पनि बढेको छ , तर गोलभेडा , खुसार्नी, धनियाँ र अन्य केहीँ तरकारीको मूल्य पहिलाकै कायम रहेको ब्यापारी मिना रानाले बताइन । उनले भनिन मुला , आलु, गोलभेडा , प्याजको केहीँ अभाव भएको र पहिलाको भन्दा केही मूल्य बढेको हो ।
यसपाली हाटबजारमा खोजेको तरकारी नमिलेको र भएको तरकारी पनि महङ्गो रहेको तरकारी किन्न हाटबजार आएका धनगढी ४ का रामकृष्ण जोशीले बताए ।
भारतबाट आयात गरेको तरकारी हाटबजारमा बिक्री वितरण गर्न रोक लगाइको छ । तर यहाँ आलु , प्याज भारतबाट आयात गरिएको पनि बिक्री वितरण भैरहेको छ । यदि बन्द गर्नुछ भने सबै बन्द गर्नुपर्छ, हैन भने सबै तरकारी बिना रोक बिक्री वितरण गरिनु पर्ने तरकारी किन्न हाटबजार आएका धनगढी १ का उपदेश उपाध्यायले गुनासो गर्दै जानकरी दिए ।
