टीकापुर/टीकापुर -१ स्थित नवदुर्गा आधारभुत विद्यालयकाे सामाजिक परिक्षण प्रतिबेदन सार्वजनिक कार्यक्रम सम्पन्न भएको छ ।
बुधबार व्यवसायक्षेत्र स्थित विद्यालयले आर्थिक वर्ष २०७७/०७८ काे सामाजिक परिक्षण प्रतिबेदन सार्वजनिक कार्यक्रम सम्पन्न भएको हाे ।
विद्यालयका प्रधानध्यापक राम प्रसाद भट्टराईकाे स्वागत मन्तब्य राख्नुहुदै सामाजिक परिक्षणकाे ओैचित्यका बारेमा प्रस्ट पार्नुभएकाे थियाे ।
शिक्षक अभिभावक समितिका कार्यवाहक अध्यक्ष धर्मी साउदकाे अध्यक्षतामा भएको सामाजिक परिक्षण प्रतिबेदन सार्वजनिक कार्यक्रममा टीकापुर १ का वडा अध्यक्ष गंगाराम आचार्य प्रमुख अतिथि रहनुभएकाे थियोे । शिक्षिका झम्पा बुढाले सामाजिक परिक्षण प्रतिबेदन प्रस्तुत गर्नुभएको थियाे ।
आर्थिक वर्ष २०७७/०७८ काे ४५ लाख ३१ हजार रुपैयाँ बराबरकाे आय-व्यय प्रस्तुत गरिएको थियाे ।
विद्यालयकाे सामाजिक परिक्षण प्रतिबेदन सार्वजनिक कार्यक्रममा अभिभावकका तर्फबाट पत्रकार प्रेम प्रसाद भट्टराई राष्ट्रप्रेमि, समाजसेवी भुपेन्द्र साउद, पुर्व श्राेत व्याक्ती टीकाराम जाेशि, विद्यालय व्यवस्थापन समितिका अध्यक्ष धुर्वराज खत्री लगायतले शुभकामना मन्तव्य राख्नुभएको थियोे । कार्यक्रम सन्चालन शिक्षक रुप बहादुर साउदले गर्नुभएको थियाे ।
