टीकापुर/ सांसद रेशम चौधरी समर्थित नेता कार्यकर्ताहरुको राष्ट्रिय सम्मेलन काठमाडौंमा हुने भएको छ।
मंसिर ११ र १२ गते हुने भनिएको सम्मेलन विविध कारणले सरेर १७ र १८ गते काठमाडौकाे ठमेलको एक होटलमा आयोजना हुने भएको हाे ।
बैठकमा रेशम चौधरीले तयार पारेको नयाॅ दल दर्ता सम्बन्धि मस्यौदा माथि छलफल गरिने बताइएको छ । सांसद रेशम चाैधरीद्वारा लिखित राजनीतिक प्रतिवेदन समेत सम्मेलनमा प्रस्तुत गरिने उनी निकट नेताहरुले बताएका छन्।
नयाँ पार्टी दर्ता गर्ने उद्देश्यले नै यो भेला बोलाइएको बताइएको छ । उहाका अनुसार रेशम चौधरी लगभग पार्टी छाडिसकेको र भेला पश्चात केही समयमा पार्टी दर्ता गर्नेछन्। पार्टी दर्ताको तयारीका लागि हरेक जिल्लामा कार्यक्रमहरु तयार भइरहेको बताइएको छ। हालः रेशम चौधरी डिल्लीबजारस्थित सदर जेलमा हुनुहुन्छ ।
