सत्ति /टीकापुर ८ का हरि ठकुल्लाकाे जन्डिसका कारण निधन भएको छ । टीकापुर नगरपालिका वडा नं. ७ सत्ति स्थित नोबल पब्लिक स्कुल सत्तिका सस्थापक तथा सहायक प्रिन्सिपल रहनु भएका ठकुल्लाको सोमबार निधन भएको हाे ।
टीकापुर नगरपालिका वडा नं – ८ सुर्यपुरका स्थायी बासिन्दा रहेका ३२ वर्षका उनी जन्डिस र कलेजो सम्बन्धि रोग बाट पिडित रहेका थिए । उनको नेपालगंज मेडिकल कलेज कोहलपुरमा उपचार गर्ने क्रममा साेमबार दिउँसो साढे तिन बजे निधन भएको पारिवारीक श्रोतले जनाएको छ ।
शैक्षिक क्षेत्र संगै स्थानिय सामाजिक संघसंस्थामा सक्रिय रहने ठकुल्लाका १ छोरा १ छोरी छन् । स्व.ठकुल्लाको असामयिक निधनले यहाँको शैक्षिक तथा सामाजिक क्षेत्रमा अपुरणिय क्षति भएको छ । उनको मंगलबार कणाली नदीमा दाह संस्कार गरिने जनाइएको छ ।
