टीकापुर /कैलालीमा दिपावलीको समयमा खेलिने देउसी भैलो साँझ ८ बजे पछि खेल्न नपाइने भएको छ ।
जिल्ला प्रशासन कार्यालय कैलालीले एक सूचना जारी गर्दै उक्त आदेश जारी गरेको हो ।
प्रशासन कार्यालयले कोरोना संक्रमणको जोखिम कामयै रहेको अवस्था तथा समाजमा अशान्ति फैलिनसक्ने भन्दै देउसी भैलो तथा नाचगानका कार्यक्रममा रोक लगाइएको जारी सूचनामा उल्लेख गरिएको छ ।
सुचनामा भनिएको छ दिपावलीको समयमा पटाका जलाउने, आतिसबाजी गर्ने तथा ओसारपसार गर्न नपाइने यदि कसैले सुचनाको अवज्ञा गरी कानुन विपरितका कार्यहरु गरे गराएको पाईए प्रचलित कानुन अनुसार कडा कारवाही गर्ने चेतावनी दिएको छ ।
