जमुना न्युरे,धनगढी/ धनगढीमा मिडिया एक्सन नेपालको आयोजनामा पत्रकारलाई आगामी मंसिर ४ मा हुने निवार्चनको आचारसंहिताका बारेमा कार्यशाला गोष्ठी सम्पन्न भएको छ। मिडिया एक्सन नेपालको आयोजनामा भएको कार्यक्रममा यहाँका सञ्चारकर्मीसँग छलफल गरिएको हो ।
कार्यक्रममा प्रतिनिधि सभा र प्रदेश सभाको निर्वाचनमा कसरी निष्पक्ष समाचार संकलन तथा सम्प्रेषण गर्ने भन्ने बारेमा अभिमुखीकरण गरिएको थियो । निर्वाचन पूर्व निर्वाचनको समयमा र निर्वाचनपश्चात् पत्रकारहरुले कसरी निष्पक्ष रिपोटिङ गर्ने भन्ने बारेमा मिडिया एक्सन नेपालका अध्यक्ष लक्ष्मणदत्त पन्तले जानकारी गराएका थिए ।
त्यसैगरि निर्वाचन र आम मतदाताको मताधिकारका विषयमा द हिमायलन टाइम्स दैनिकका सम्पादक राजन पोेख्रेलले अनुशिक्षण गरेका थिए भने पत्रकार कल्पना आचार्यले निर्वाचनमा लैगिंक, अल्पसंख्यकहरुको सहभागिताका विषयमा जानकारी गराएकी थिइन् ।
कार्यक्रममा निर्वाचनमा प्रयोग हुने आचारसहिताका बारेमा कसरी सबैलाई जानकारी गराउने र पत्रकारहरुले पनि आचारसहिता पालना गर्नुपर्ने देखिने कुरालाई उल्लेख गरिएको थियो ।
