टीकापुर/टीकापुर नगरपालिकाका नगर प्रमुख रामलाल डगाैरा थारुले नगर क्षेत्रभित्र रहेका खुल्ला क्षेत्र, चोक, चौराह, सार्वजनिक, प्रति ऐलानी जग्गा, ताल तलैया लगायतका सार्वजनिक जग्गामा निर्माण गरिएका संरचना खालि गरिने बताउनु भएको छ ।
नगर प्रमुख थारुले टीकापुर नगर क्षेत्रभित्रका अतिक्रमित सार्वजनिक जग्गा खाली गर्न सूचना जारी गरिसकेको बताउनुभएको हाे ।
नगरपालिकाले नगर क्षेत्रभित्र रहेका खुल्ला क्षेत्र, चोक, चौराह, सार्वजनिक, प्रति ऐलानी जग्गा, ताल तलैया लगायतका सार्वजनिक जग्गामा निर्माण गरिएका संरचना हटाउन ३५ दिने सूचना जारी गरेको हो ।
सूचनामा ‘सूचना प्रकाशित भएको मितिले ३५ दिनभित्र अतिक्रमित सार्वजनिक जग्गा खाली नगरे,नगराएमा प्रचलित कानुन बमोजिम भई जाने व्यहोरा यसै सूचनामार्फत् जानकारी गराइन्छ’ भनिएको छ ।
टीकापुर नगरपालिकाले असाेज २६ गते देखि लागू हुने गरि नगर क्षेत्रभित्रका अतिक्रमित सार्वजनिक जग्गा खाली गर्न ३५ दिने सूचना जारी गरेको नगर प्रमुखकाे सचिवालयले जनाएको छ ।
