टीकापुर/टीकापुर नगरपालिकाकाे आयाेजनामा उद्यमशीलता विकास तालिम सम्पन्न भएको छ ।
गरिबी निवारका लागि लघु उद्यम विकास कार्यक्रम मेडपा कार्यक्रम अन्तर्गत उद्यमशीलता विकास तालिम सम्पन्न भएको हाे ।
सीप सिकाै आत्मनिर्भर बनाै भन्ने मुल नाराका साथ गरिएको कार्यक्रममा व्यवसाय शुरु र लैगिकसामाजिक समावेशिकरण सम्बन्धि तालिम दिइएको थियाे ।
टीकापुर नगरपालिकाका नगर प्रमुख रामलाल डगाैरा थारुकाे प्रमुख आतिथ्यमा भएको समापन कार्यक्रम आर्थिक विकास समितका संयाेजक तथा वडा नं. ७ का वडा अध्यक्ष यज्ञ प्रसाद न्याैपानेकाे अध्यक्षतामा भएको थियोे । समापन कार्यक्रममा स्वागत मन्तव्य सहित कार्यक्रमकाे उद्देश्यका वारेमा आर्थिक विकास शाखा प्रमुख नन्द के.सी.ले प्रस्ट पार्नुभएकाे थियाे ।
समापन कार्यक्रममा मेडपाका सहज कर्ता रिमा चाैधरीले संचालन गर्नुभएको थियोे भने सहभागीका तर्फबाट केशव रावल र दिपा चाैधरी लगायतले मन्तब्य राख्नुभएको थियाे । ८ दिन सम्म चलेकाे तालिममा वडा नं. ९ रैनिबाेझिका ३० जना सहभागी रहेका थिए ।
