टीकापुर/टीकापुर नगरपालिका वडा न ७ स्थित सत्ती कृषि सहकारी संस्थाकाे पाँचौं बार्षिक साधारण सभा सम्पन्नभएकाे छ।
सहकारी संस्थाका अध्यक्ष खड्क प्रसाद भण्डारीकाे अध्यक्षता भएकाे वार्षिक साधारण सभामा प्रमुख अतिथि टीकापुर नगरपालिका वडा नं. ७ का वडा अध्यक्ष रामलाल डगाैरा थारु रहनु भएको थियाे ।
कृषि सहकारी संस्थाका उपाध्यक्ष धर्मराज जैशीकाे स्वागत मन्तव्य संगै शुरु भएकाे कार्यक्रममा समाजसेवी उदयराम ढुङ्गाना, नेकपा माओवादी केन्द्रका यज्ञराज न्याैपाने, समाजसेवी पशुपति कर्ण, धर्म घर्ती, शेरसिह रिजाल, नेकपा एमालेका मनिराम ढुंङ्गाना, समाजसेवी शशी श्रेष्ठ लगायतले शुभकामना मन्तव्य राख्नु भएको थियाे ।
२०७३ सालमा स्थापना भएकाे सहकारी संस्थाले आर्थिक वर्ष २०७७/०७८ मा ४ लाख ६६ हजार ४ सय ४७ रुपैया खुद नाफा कमाउन सफल भएको छ । कार्यक्रम संचालन सहकारी संस्थाका सचिब सुमन प्रसाद तिमिल्सिनाले गर्नु भएको थियाे ।
