जमुना न्युरे,सुखड/कैलाली जिल्लाका थारु बस्तिमा रहेका होमस्टेमा आउने पर्यटनलाई थारु समुदायका परिकारले आकर्षित गरेको छ ।
कैलाली जिल्लाको पहिलो होमस्टे भादा (घरबास ) गाउमा
आउने पर्यटकलाई पिडालुको पातमा चामलको पिठो खडिया , ढिक्री (चामलको पिठो पानीको बाफले उसिनेर पकाएको परिकार), घोगी र माछाका परिकारले आकर्षित गरेको छ ।
घरबास सञ्चालकले ढिक्री , खडिया ,घोगी र माछाका परिकारले नै उनीहरुको स्वागत गर्ने गरेका छन् । अनदिको चामलको भात , घोगी र माछा अब यहाँको थारू समुदायले सञ्चालन गरेका घरबासको पहिचान बनेको छ ।
कैलाली जिल्लामा भादा , माघी , बस्रेरा , नुक्लिपुर , मुक्त कमैया शिबिरमा सामुदायिक घरबासलगायतका घरबासमा आउने पाहुनाले स्थानीय परिकारमा खडिया , ढिक्री ,बरिया घोगी र माछाका परिकार नै रोज्ने गरेका पाइएको छ । ‘हाम्रो घरबासमा आउने पाहुना आफैँले अनदीको भात , खडिया , बरिया खोज्ने गरेका छन् ।
, हामीले दैनिकजसो पकाउने गरेका छौं’, भादा सामुदायिक घरबासका सञ्चालक अध्यक्ष लक्ष्मी नारायण चौधरीभने, ‘थारू समुदायले खाने परिकार हिजोआज पर्यटकको रोजाइ बनेका छन् ।’
ढिक्री ,बरिया ,अनदिको भात , खडिया लगायतका थारु सस्कृतीक कार्यक्रम झुम्रा नाछ , सखिया नाच , घडखोरी नाछ ,मुग्रहुवा नाच ,लठिहुवा नाचा लगायत थारु गहना र पहिरन लगायर रमाउने गरेका होमस्टे आउने पाहुनाको रोजाइमा पर्ने गरेको भादा होमस्टेका घर न २ का पुनाराम चिलहुवा ( चौधरी )ले बताए ।
माघी होमस्टे संचालक समितिका अध्यक्ष सिताराम चौधरी भने हाम्रो होमस्टमा करिब तीन हजार आन्तरिक पर्यटन र १ हजार भन्दा बढी बाहय पर्यटन आयको जानकरी दिए ।
पर्यटक हरुको रोजाइ थारु सस्कृती , खानपान , रहनसहन नै हुने गरेको बताए ।
