जमुना न्युरे,सुखड / कैलालीको घोडाघोडी नगरपालिका –१ घोडाघोडीमा अवस्थिति विराट् सनातन धर्म संस्कृति संरक्षण संबद्धन प्रतिष्ठानको १६ औ वार्षिक साधारण सभा सम्पन्न भएको छ । प्रतिष्ठानका अध्यक्ष गोविन्द राज जोशीको सभापतित्वमा भएको कार्यक्रममा प्रमुख अतिथि सुदूर पश्चिम प्रदेश सरकारका आर्थिक मामिला तथा योजना मन्त्री नरेश शाही रहेको थिए ।
विशिष्ट अतिथिमा सुदूर पश्चिमका निवर्तमान आर्थिक मामिला राज्य मन्त्री अमर बहादुर साउँद, घोडाघोडी नगरपालिकाका निवर्तमान उप प्रमुख प्रेम कुमारी थापा रहेका थिए । कार्यक्रममा प्रतिष्ठानका आजीवन सदस्यहरू,समाजसेवी, बुद्धिजीवी लगायत विभिन्न सरोकारवालाहरूको सहभागिता रहेको थियो ।
कार्यक्रममा बोल्दै अतिथि सुदूर पश्चिम प्रदेश सरकारका आर्थिक मामिला तथा योजना मन्त्री नरेश शाहीले घोडाघोडीको विकासको लागी आफू प्रतिबद्ध रहेको बताए । यस क्षेत्रलाई धार्मिक क्षेत्र बनाउन आफू लागी पर्ने उनले बताएका छन् ।
१६ औ वार्षिक साधारण सभा कार्यक्रममा ४ लाख १८ हजार २० रुपैयाँ बराबरको आय व्यय प्रतिष्ठानका कोषाध्यक्ष राधा पाण्डेले गर्नु भएको थियो । प्रतिष्ठानका उपाध्यक्ष लक्ष्मी प्रसाद न्युरेको स्वागत मन्तव्य सँगै सुरु भएको कार्यक्रमको संचालन विराट् सनातन धर्म संस्कृति संरक्षण संबद्धन प्रतिष्ठानका सचिव शंकर सञ्जालले गरेको थिए ।
