जमुना न्युरे,धनगढी/धनगढीमा भएको जैबिक विविधता र वातावरणिय विषयमा सरोकारवाला निकायहरु बिच गोलमेच छलफल कार्यक्रममा कैलाली जिल्ला समन्वय समितिका निमित प्रमुख खगराज भुसालले भने अब सरक्षंण भोको पेट गर्न सकिँदैन , स्थानीयहरुको सहभागिता बिना वन वातावरण तथा जैविक बिबिधता सरक्षण गर्न सकिँदैन कैलाली जिल्लाको वन अतिक्रमण रोक्न राजनीतिदलहरु नै प्रतिबद्धता नगरे सम्म हटाउनका नसकिने , वन कार्यलय वन अतिक्रमण हटाउनका लागि डिभिजन वनले समन्वय गरेमा आवश्यकता अनुसार स्थानीय पालिकामा समन्वय गरि चाहिने उपकरण ब्यबस्थापन गरि दिने , कैलाली जिल्लामा नदिजन्य प्रदार्थको उत्खन गर्नका लागि स्थानीय पालिकाहरुले इ आइ इ ( वातावरणिय प्रभाव मुल्यांकन ) गरेर ढुङ्गा ,गिट्टी ,बालुवा निकास गर्ने भनिएता पनि ब्यबहारिक रुपमा कानुनी प्रक्रिया पूरा नगरिएका व्यावसायिहरुलाइ कारबाही गरिएको बताए ।
कार्यक्रममा बोल्दै डिभिजन वन कार्यलय धनगढी कैलालीका प्रमुख रामचन्द्र कडेलले भने कैलाली जिल्लामा चोरिसिकारी नियन्त्रण , वन डढेलो नियन्त्रण ब्यबस्थापन ,बाढी पहिरो तराइमा बाढी ताल तलैया ब्यबस्थापन , वन अतिक्रमण नियन्त्रण सबैको सहकार्य र सहभागिता हुनु पर्ने , मानव तथा बन्यजन्तुको द्वन्द्व न्यूनीकरण गर्नका लागि राहत कार्यक्रम कार्यन्वयन गर्नु पर्ने बताए ।
कार्यक्रममा बोल्दै संरक्षणकर्मी डण्डीराज सुवेदीले बसाइँसराइँले जैविक विविधतामा समस्या परिरहेको बताए । कैलालीमा व्यक्तिगत भन्दा पनि संस्थागत रुपमा वन अतिक्रमण हुने गरेको र त्यसलाई नियन्त्रण गर्न राजनीतिक प्रतिवद्धता हुनु जरुरी रहेको उनले बताए ।
वसन्ता वन संरक्षण परिषद्का अध्यक्ष पुष्कल बम वन संरक्षणका क्षेत्रमा कानुन नै नमिलेको , उनले भने,‘वनका क्षेत्रमा काम गर्दा विभिन्न कानुनी अड्चन आउँछन् । तिनलाई परिमार्जित गर्नु जरुरी छ ।
कार्यक्रममा बोल्दै भारताल साझेदारी वनका अध्यक्ष यादव भण्डारीले मानव र वन्यजन्तुबीचको द्वन्द्वले पारिस्थितिय प्रणालीमा खलल पुग्ने गरेको । ‘वन्यजन्तुले गाई बाख्रा खाने गरेको छ,’उनले भने,‘जंगल छेउका वासिन्दालाई खुसी बनाउन सकेन भने वन्यजन्तु संरक्षणका प्रयास विफल हुन्छन् । तसर्थ उनीहरुलाई खुसी बनाउन सक्नुपर्छ ।’ संरक्षणका लागि चुरे क्षेत्रमा रहेको टाढा टाढाको बस्तीलाई एकीकृत वस्तीमा ल्याउनु जरुरी भएको उनले बताए ।
कार्यक्रम मित्र समाजको आयोजनामा जागृती फाण्डेशनको समन्वयमा एव यूएसएआईडी अन्तर्गत जलजंगल परियोजनाको सहयोगमा गरियको कार्यक्रममा पत्रकार सुबोध गौतमले सहजीकरण गरेका थियो
