राजापुर/ बर्दिया जिल्लाको राजापुर नगरपालिकामा नागरिक उन्मुक्ति पार्टीको नगर स्तरीय भेला सम्पन्न भएको छ ।
शनिबार बर्दिया जिल्लाकाे राजापुर नगरपालिका वडा नं. ४ मा नागरिक उन्मुक्ति पार्टीको नगरस्तरिय भेला सम्पन्न भएको हाे ।
भेलाले समाजसेवि रूद्र बहादुर चाैधरी बखरियाको संयोजकत्वमा २१ सदस्सीय नगर कार्यसमिति चयन गरेको छ जसकाे सह संयाेजक अरुण कुमार चाैधरी,काेषाध्यक्षमा राम कुमार चाैधरी रहनुभएकाे छ । नगर स्तरीय भेला कार्यक्रम मा नागरिक उन्मुक्ति पार्टीका प्रवक्ता तथा केन्द्रीय सदस्य दामाेदर पन्डित प्रमुख अतिथि रहनु भएको थियाे ।
नगर भेला कार्यक्रममा नागरिक उन्मुक्ति पार्टीका केन्द्रीय सदस्य तथा टीकापुर नगरपालिका वडा नं. ७ का वडा अध्यक्ष रामलाल डगाैरा थारु, केन्द्रीय सदस्य लक्ष्मण किशाेर चाैधरी लगायतले शुभ कामना मन्तब्य राख्नु भएको थियाे । केन्द्रीय सदस्य वलविर चाैधरी लगायत केन्द्रीय स्तरका पत्रकारहरुकाे उपस्थित रहेको कार्यक्रम संचालन केन्द्रीय सदस्य राम बहादुर बखरीयाले संचालन गर्नु भएको थियाे ।
पछिल्लो पटक नागरिक उन्मुक्ति पार्टीले विभिन्न नगरपालिका तथा गाउँपालिकाका वडामा आफ्नो संगठन विस्तार गरिरहेको छ ।
नागरिक उन्मुक्ति पार्टी दर्ता भइ संगठन विस्तार गर्न लागे संगै कैलाली लगायतका धेरै जसाे जिल्लामा बेग्लै किसिमको राजनीतिक तरंग फैलिरहेको बताइएको छ ।
