एम.एस श्रीपाइली,
टीकापुर/नागरिक उन्मुक्ति पार्टीको वडा नं. १ काे एकता नगर शिबिरमा नागरिकको उत्साहजनक रुपमा प्रथम टाेल भेला सम्पन्न भएको छ ।
शुक्रबार कैलालीको टीकापुर नगरपालिका वडा नं. १ काे एकता नगर शिविरमा नागरिक उन्मुक्ति पार्टीले उत्साहजनक रुपमा प्रथम टाेल भेला सम्पन्न गरेको हाे ।
टाेल भेला कार्यक्रममा नागरिक उन्मुक्ति पार्टीका केन्द्रीय सदस्य तथा पार्टी प्रवक्ता दामोदर पण्डित प्रमुख अतिथि रहनुभएकाे थियाे ।
कार्यक्रममा नागरिक उन्मुक्ति पार्टीका केन्द्रीय सदस्य तथा वडा नं. ७ का वडा अध्यक्ष रामलाल डगाैरा थारु, केन्द्रीय सदस्य रमेश वि.क. लगायतले शुभकामना मन्तव्य राख्नुभएको थियाे
।
विन्दु दासकाे संयाेजकत्वमा २५ सदस्यीय टाेल कमेटी गठन भएको छ । कार्यक्रममा २६ जना विभिन्न पार्टीबाट नेता तथा कार्यक्रता नागरिक उन्मुक्ति पार्टीमा पर्वेश गरेकाे जनाएको छ ।
नरेश वि.क.काे सभापतित्वमा भएको कार्यक्रम संचालन केन्द्रीय सदस्य दिपक निशानीले गर्नुभएको थियाे । पछिल्लो पटक नागरिक उन्मुक्ति पार्टीले विभिन्न वडामा आफ्नो संगठन विस्तार गरिरहेको छ ।
नागरिक उन्मुक्ति पार्टी दर्ता भइ संगठन विस्तार गर्न लागे संगै कैलाली लगायतका धेरै जसाे जिल्लामा बेग्लै किसिमको राजनीतिक तरंग फैलिरहेको बताइएको छ ।
