माेहित श्रीपाइली,
टीकापुर /धनसिंहपुर कृषि सहकारी संस्थाले आर्थिक वर्ष २०७७/०७८ मा साडे छ लाख नाफा कमाउन सफल भएको छ ।
शुक्रबार धनसिंहपुर कृषि सहकारी संस्थाको छैटौं वार्षिक साधारणसभामा सहकारीले ६ लाख ६३ हजार ४ सय ४४ रुपैयाँ ९० पैसा नाफा कमाउन सफल भएको जनाएको हाे ।
सहकारीका अध्यक्ष धनसिंह साउंदकाे अध्यक्षतामा भएको वार्षिक साधारणसभामा टीकापुर नगरपालिका वडा नं. ८ का वडा अध्यक्ष दिर्घ बहादुर ठकुल्ला प्रमुख अतिथ रहनुभएकाे थियो ।
प्रमुख अतिथि एवम् टीकापुर नगरपालिका वडा नं. ८ का वडा अध्यक्ष ठकुल्लाले शेयर सदस्यकाे समस्या र आवश्यकता लाई मध्यनजर गर्दै सहकारी अघि बढ्नुपर्नेमा जाेड दिनु भएको थियो ।
सहकारीले धेरै राम्रो काम गर्दै आएको भन्दै ठकुल्लाले प्रशंसा गर्नु भएको थियो । ठकुल्लाले ग्रामीण क्षेत्रमा किसानको जीवन स्तरमा परिवर्तन ल्याउने गरि सहकारीले काम गर्दै आएको बताउनुभयो ।
कार्यक्रमका विशिष्ट अतिथि एवम् टीकापुर नगरपालिकाका आर्थिक विकास शाखा तथा सहकारी शाखाका प्रमुख नन्द बहादुर केसीले किसान आत्मनिर्भर बन्न कृषिमा केही नयाँ काम गर्न लागि वडाले पनि हरेक वर्ष सहयोग गरेकाे भन्दै सहकारीले गरि रहेको कामको समाजमा सकारात्मक प्रभाव परेको बताउनु भयाे ।
साधारणसभामा उकृष्ट बचतकर्ता कान्छा चाैधरी ,जाैकलि देवि शाही , लाैटन चाैधरी र उत्कृष्ट कृषकमा भिम महर, सन्तु चाैधरी, विरेन्द्र चाैधरी, उत्कृष्ट निक्षेप कर्तामा मान बहादुर डगाैरा थारुलाई सम्मानित गरिएको थियो ।
सहकारी संस्थाका सचिब मंगल चाैधरीले संचालन गर्नुभएको कार्यक्रममा जंग बहादुर चाैधरी, समाजसेवी पदमराज जाेशि,जितराम चाैधरी, नवराज साउँद, तेज बहादुर साउँद, रणबहादुर साउँद, रामकृष्ण चाैधरी, समाजसेवी तथा शिक्षक भिम महर, वीर बहादुर साउँद, विक्रम चाैधरी, पत्रकार भिम वि.क. , समाजसेवी डम्बर घर्ती लगायतले शुभकामना मन्तव्य राख्नु भएको थियो ।
सहकारीको व्यवस्थापक मुना थापाले २ करोड ५५ लाख ६७ हजार ६ सय १७ रुपैयाँ बराबरको आयव्यय प्रस्तुत गरेकी थिईन । सहकारी संस्थामा २ सय ७९ जना सेयर सदस्य रहेका छन ।
