टीकापुर/ टीकापुर नगरपालिकाकाे लागत साझेदारीमा टीकापुरमा शीत भण्डारण गृह (काेल्ड स्टाेर) बन्न लागेकाे छ ।
आइतबार एक कार्यक्रमका विच टीकापुर नगरपालिकाका नगर प्रमुख रामलाल डगाैरा थारुले शिलान्यास गर्नुभएको छ ।
टीकापुर नगरपालिकाकाे लागत साझेदारीमा रानी जमरा कुलरीया सिचाइ प्राणाली जल उपभोक्ता संस्था मुल समिति टीकापुरले शीत भण्डारण गृह (काेल्ड स्टाेर) काे निर्माण गर्न लागेको छ । ७ कराेड ६ लाख लागतमा बन्न लागेकाे काेल्ड स्टाेर १ हजार मेट्टीक टन क्षमताकाे बन्ने जनाएको छ ।
टीकापुर नगर विकास समितिले शीत भण्डारण गृह (काेल्ड स्टाेर) निर्माणका लागि ८ कठ्ठा जग्गा उपलब्ध गराएको छ । १४ महिना भित्र निर्माण सम्पन्न गर्ने गरि ठेक्का भएको जनाएको छ ।
टीकापुर १ जमरा पारि सव डिभिजन वन कार्यालय नजिक बन्न लागेकाे शीत भण्डारण गृह (काेल्ड स्टाेर) निर्माणकालागि टीकापुर नगरपालिकाले ६७ लाख लागत साझेदारी गर्ने जनाएको छ ।
