टीकापुरका विभिन्न वडामा ११४ ओै अन्तर्राष्ट्रिय महिला दिवस मनाइएको छ । “महिलामा लगानी: सभ्य र समुन्नत समाजकाे थालनी ” भन्ने मुल नाराका साथ टीकापुरका विभिन्न वडामा अन्तर्राष्ट्रिय महिला दिवस मनाइएको हाे ।
यसैक्रममा टीकापुर ७ सत्तीमा पनि अन्तर्राष्ट्रिय महिला दिवस भव्यताका साथ मनाइएको छ ।
सक्रिय महिला संजालकाे आयाेजना तथा ७ नम्बर वडा कार्यालय, वल्र्ड भिजनकाे सहकार्यमा भएको कार्यक्रममा कार्यपालिका सदस्य कैलाशपति चाैधरीले स्वागत गर्नुभएको थियाे ।
संजालका अध्यक्ष अम्विका काेइरालाकाे अध्यक्षतामा भएको कार्यक्रममा वडा नं. ७ का अध्यक्ष यज्ञ प्रसाद न्याैपाने प्रमुख अथिति रहनु भएको थियाे भने कार्यपालिका सदस्य मन्जु वि.क.विशिष्ट अथिति रहनु भएको थियो ।
कार्यक्रममा पत्रकार भिम वि.क., वडा नं. ७ वडा सदस्य राजकुमार चाैधरी, समाजसेवी नरेश्वर धमला, नेपाल रेडक्रस साेसाइटी नारायणपुरका सभापति टाेप बहादुर के.सी. बालकल्याण संघका सावित्री कुंवर, यार्ड संस्थाका रतन वि.क., स्थानीय महिला शुसिला साउंद लगायतले स्वागत मन्तव्य राख्नुभएको थियाे । संन्जालका सचिव निराशा परियारले कार्यक्रम संचालन गर्नुभएको थियाे ।
