बालुवाटार (खक्राैला) / जनजाति ,दलित र राज्य बाट उपेक्षित समुदायले समन्वय गरेर आगामी चुनावमा नागरिक उन्मुक्ति पार्टीलाई सहयोग गरे यहाँका नागरिकको समृद्धि हुने बताइएको छ । साे कुरा नागरिक उन्मुक्ति पार्टीका केन्द्रीय सदस्य तथा प्रवक्ता दामोदर पण्डितले टिकापुर ९ मा भएको एक कार्यक्रममा बताए ।
थारु समुदायकाे पहिचान र दलित समुदायको उन्मुक्तिका लागि नागरिक उन्मुक्ति पार्टीलाई आगामी चुनावमा भाेट हालेर जिताउन उनलेे आग्रह गरे ।
जनजाति र दलित समुदायलाई टेकेर अन्य दलले संधै सत्तामा जाने सिंढी मात्र बनाएको उनलेे बताए । विभेदमा पारिएका दलित समुदायले आफ्नो आँसु आफै पुछ्न नागरिक उन्मुक्ति पार्टीमा गाेलबन्द हुनुपर्नेमा जाेड दिए । आगामी चुनावमा जनजाति र दलितले नागरिक उन्मुक्ति दललाई मत दिए टिकापुरमा सत्ता लिन सकिने उनलेे दावी गरे ।
नागरिक उन्मुक्ति पार्टी स्थापना भएको ३४ दिन मात्र भएता पनि देशभरि तरंग उत्पन्न भएको उनलेे दावी गरे ।
कार्यक्रममा पार्टीको टिकापुर ९ खक्राैला( एकता नगर) माटोल कमिटी चयन भएको छ ।
सविता मिस्रीकाे संयाेजकत्वमा २३ सदस्यीय टोल कमिटी चयन भएको जानकारी प्राप्त भएको हो । जस्काे सह संयाेजकमा भाेजराज चाैधरि सचिव भारती वड र काेषाध्यक्षमा धन बहादुर वड रहेका छन् ।
स्थानीय वयोवृद्ध सम्य मिस्रीकाे अध्यक्षतामा भएको कार्यक्रममा नागरिक उन्मुक्ति पार्टीका प्रवक्ता दामाेदर पन्डित प्रमुख अतिथि रहेका थिए । कमिटी गठन कार्यक्रममा नागरिक उन्मुक्ति पार्टीका केन्द्रीय सदस्य तथा टिकापुर नगरपालिका ईन्चार्ज रामलाल डगाैरा थारु , केन्द्रीय सदस्य रमेश वि.क., केन्द्रीय सदस्य दिपक निसानीले मन्तव्य राखेका थिए ।
