मान बहादुर ठकुल्ला,
टीकापुर/कैलालीको टीकापुर नगरपालिका वडा नं. ७ सत्ती स्थित रहेकाे जिल्लामै बेतबाँस र अजिङ्गरकाे खानीका रुपमा परिचित सत्ति कर्णालि सामुदायिक बनद्वारा टीकापुरका बिभिन्न चाेक दाउरा वितरण गरिरहेको छ ।
सामुदायिक वनले सेवा क्षेत्रमा रहेका करिब १ दर्जन चाेकमा आगाे ताप्नका लागि नि:शुल्क दाउरा वितरण गरेको हाे । सत्ती कर्णाली सामुदायिक वनले आफ्ना उपभोक्ताहरु र सडकमा यात्रा गर्ने यात्रीहरुलाई मध्ये नजर गर्दै टीकापुर नगरपालिका वडा न ६ ७ र ८ का विभिन्न चाेकहरुमा आगाे ताप्ने ब्यवस्था मिलाएकाे सामुदायिक वनका अध्यक्ष धनसिह साउँदले जानकारी दिनुभयाे ।
उहाँले जाडाेकाे समयमा बुढाबुढिहरु आफ्ना उपभोक्ता लगायत सडकमा यात्रा गर्ने यात्रीहरुलाई राहत हाेस भनी सामुदायिक वनले साबिक धनसिपुर नारायणपुर का विभिन्न चाेक चाेकमा आगाे ताप्न दाउरा वितरण गरेकाे बताउनुभयाे । अध्यक्ष साउंदका अनुसार सामुदायिक वनले हरेक वर्ष यसरी नै चाेक चाेकमा र जेष्ठ नागरिकाे लागि दाउरा वितरण गर्दै आएकाे बताएका छन ।
साेमबार सामुदायिक वनले आफ्नै ट्याक्टर प्रयाेग गरेर आफ्नाे सेवा क्षेत्रका बिष्णुकान्तिपुर , सत्तीबजार, बटनपुर, बालुवाटावर, हुलाकी चाेक, नारायणपुर , कर्णाली पुल, झुङ्गा , सुर्यपुर , बनगाउ लगायतका चाेक चाेकमा दाउरा वितरण गरेकाे सामुदायिक वनका कार्यालय सचिब मीन बहादुर ठकुल्लाले जानकारी दिनुभयाे ।
सामुदायिक वनले हरेक वर्ष आफ्ना उपभोक्ताहरु काे हित, संरक्षण र आय आर्जनका क्षेत्रमा सहयाेग गर्दै आएको छ भने हरेक वर्ष सामाजिक कार्य पनि गर्दै आएको छ ।
