कैलालीको घोडाघोडी नगरपालिका–१ स्थित कैलाली चोकबाट लागू औषधसहित एक युवक पक्राउ परेका छन्।
बिहिबार साँझ ७ बजे इलाका प्रहरी कार्यालय सुखडबाट प्रहरी नायब उपरीक्षक रमेश दत्त अवस्थीको कमाण्डमा खटिएको प्रहरी टोलीले घोडाघोडी नगरपालिका–१ सुन्दरपुर निवासी २४ वर्षीय चन्दु बिकलाई शंका लागी चेकजाँच गर्दा उनको साथमा खैरो हिरोइन जस्तो देखिने लागू औषध फेला परेको हो।
बिकलाई कैलाली चोकमा हिँडिरहेको अवस्थामा चेकजाँच गर्दा, प्लास्टिकको पोका पारी बाँधिएको अवस्थामा उक्त पदार्थ फेला परेको थियो। प्रारम्भिक तौल गर्दा प्लास्टिकसहित २ ग्राम ७०० मिलिग्राम र प्लास्टिक हटाएर शुद्ध तौल गर्दा २ ग्राम खैरो हिरोइन फेला परेको इलाका प्रहरी कार्यालय सुखडका प्रमुख प्रहरी नायव उपरीक्षक अवस्थीले जानकारी दिए ।
पक्राउ परेका बिकलाई नियन्त्रणमा लिई थप अनुसन्धानका लागि इलाका प्रहरी कार्यालय सुखडमा राखिएको छ।
