सुदूरपश्चिमका मुख्यमन्त्री कमलबहादुर शाहले सुदूरपश्चिम प्रदेशको सरकार परिवर्तनबारे भइरहेको हल्लाबारे स्पष्ट पार्न पार्टी सभापति गगनकुमार थापालाई आग्रह गरेका छन्।
नेपाली कांग्रेसको सुदूरपश्चिम स्तरीय भेला कार्यक्रममा बोल्दै मुख्यमन्त्री शाहले सोधे ‘सभापतिज्यु तपाई आउने भन्दा बढी चर्चा, सरकार परिवर्तनको हल्ला छ यसबारे स्पष्ट गरिदिनु होला ।’
कार्यक्रममा बोल्दै मुख्यमन्त्री शाहले गगन थापा सिङ्गो कांग्रेसको सभापति भएको हेर्न चाहेको बताए।
‘कुनै बेला फरक मत थियो, अब गगन थापालाई सभापति मान्न कुनै विमति छैन’ मुख्यमन्त्री शाहले भने ‘यो कार्यक्रम सभापतिले जवाफ दिनैपर्छ शेरबहादुर देउवाको स्थान के हो ?, देउवालाई टिकट लिन नदिएको हो ? र पार्टीलाई एक बनाउने तपाईंको खाका के हो ?’
मुख्यमन्त्री शाहले आफू पद जोगाउन नभई पार्टीको क्याडेर भएकाले सभापतिलाई स्वागत गर्न पुगेको बताए ।
