धनगढी /धनगढीमा एक युवकको हत्या गरिएको छ । धनगढी उपमहानगरपालिका–८ को धनगढी गाउँमा आइतबार राति ३५ वर्षीय महेश रानाको हत्या गरिएको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक उपेन्द्र बमकाअनुसार राना राति स्थानीय मिनबहादुर चौधरीको घरमा प्रवेश गरेका बेला उनीमाथि चौधरीसहितले कुटपिट गरेका थिए । कुटपिटबाट गम्भीर घाइते भएका चौधरीको उपचारका क्रममा सेती प्रादेशिक अस्पतालमा मृत्यु भएको बमले जानकारी दिए ।
उनकाअनुसार रानाको हत्या अभियोगमा चौधरी दम्पत्तीसहितका पाँच जनालाई पक्राउ गरिएको छ । पक्राउ पर्नेमा मिनबहादुरकी श्रीमती २९ वर्षीया पुनम चौधरी, उनकी १७ वर्षीया छोरी र अन्य दुई जना रहेको प्रहरीले जनाएको छ ।
मृतक राना र उनीमाथि कुटपिट गर्ने चौधरी दम्पत्ती छिमेकी समेत हुन् । राना चौधरीको घरभित्र प्रवेश गरेका बेला उनीमाथि कुटपिट भएको थियो । स्थानीयले सम्झाइबुझाई गरेर घर पठाएकोमा अवस्था गम्भीर भएपछि रानालाई अस्पताल लगिएको थियो । घटनाबारे थप अनुसन्धान भइरहेको प्रहरीले जनाएको छ
