सुखड/कैलालीको घोडाघोडी नगरपालिका–१ सुखडमा रहेको बग्धौली सिँचाई जल उपभोक्ता संस्थाको २४ औँ वार्षिक साधारण सभा तथा सार्वजनिक सुनुवाइ कार्यक्रम सम्पन्न भएको छ ।
संस्थाका अध्यक्ष तुङ्ग ध्वज बमको सभाध्यक्षमा भएको कार्यक्रममा प्रमुख अतिथि घोडाघोडी नगरपालिकाका नगर प्रवक्ता तथा वडा नम्बर १ का वडा अध्यक्ष धनश्याम ओझा रहेका थिए ।
विशिष्ट अतिथिमा सिँचाई डिभिजन कार्यालय धनगढीका कृष्ण बहादुर खडायत रहेका थिए । कार्यक्रममा आर्थिक वर्ष २०८०/२०८१ को १ लाख १७ हजार २ सय ४७ रुपैयाँ बराबरको आय व्यय सभामा प्रस्तुत गरिएको थियो ।
विभिन्न वक्ताहरूको शुभकामना मन्तव्य राखेका थिए । कार्यक्रमको सञ्चालन बग्धौली सिँचाई जल उपभोक्ता संस्थाका सचिव डिल बहादुर धामीले गरेका थिए ।
