टीकापुर/ कैलालीको टीकापुर नगरपालिकाका सबै वडाहरु साक्षर घाेषणा गरिका छन् ।
टीकापुर नगरपालिका शिक्षा युवा तथा खेलकुद शाखाकाे आयोजनामा वडाहरु साक्षर घाेषणा गरिएकाे हाे ।
टीकापुर नगरपालिकाका सबै वडाहरु साक्षर घाेषणा गर्ने क्रममा शुक्रबार टीकापुरमा वडा नं. १ र २ लाई साक्षर घाेषणा गर्दै ९ वटै वडाहरु साक्षर घाेषणा गरिएका हुन । विहिवार वडा नं. ३, ४, ५, ६, ७, ८ र ९ लाई साक्षर घाेषणा गरिएको थियाे । शनिबार ४ गते टीकापुर नगरपालिकालाई साक्षर घाेषणा गर्ने कार्यक्रम रहेकाे टीकापुर नगरपालिका शिक्षा युवा तथा खेलकुद शाखा प्रमुख नरेश अवस्थीले बताउनुभयो । कार्यक्रममा साक्षर घाेषणा भएका वडाहरुलाइ प्रमाण पत्र समेत प्रधान गरिएको थियाे ।
वडाहरु साक्षर घाेषणा कार्यक्रम सामाजिक विकास समितिका संयाेजक तथा वडा नं. ८ का वडा अध्यक्ष दिर्घ बहादुर ठकुल्लाकाे अध्यक्षता भएको थियाे भने टीकापुर नगरपालिकाका नगर प्रमुख तपेन्द्र बहादुर रावल प्रमुख अतिथि रहनुभएकाे थियाे ।
टीकापुर नगरपालिका शिक्षा युवा तथा खेलकुद शाखा प्रमुख नरेश अवस्थीकाे स्वागत मन्तब्य संगै सुरु भएको कार्यक्रममा टीकापुर नगरपालिकाका प्रमुख प्रशासकीय अधिकृत दमन सिंह चाैधरी विशिष्ट अतिथि रहनु भएको थियो ।
कार्यक्रममा बाल कल्याण संघका नैन तारा श्रेष्ठ, शिक्षक यज्ञराज ज्ञावाली, खड्ग स्मृति मा.वि. का प्रधानध्यापक केशर बहादुर रावल, नगर शिक्षा समितिका सदस्य सुर्या देवि भट्टराई लगायतले शुभकामना मन्तव्य राख्नुभएको थियाे । कार्यक्रम संचालन कर्णाली मा.वि. टीकापुरका प्रधानध्यापक धर्मराज शर्माले गर्नुभएको थियाे ।
