सुखड/कैलालीको घोडाघोडी नगरपालिका–१ सुखडमा प्रथम जिल्ला स्तरीय यु–२० वडा अध्यक्ष फुटबल कप प्रतियोगिता–२०८१ हुने भएको छ । वडा नम्बर १ को आर्थिक सहयोग र घोडाघोडी क्लबको आयोजनामा प्रतियोगिता हुन लागेको हो ।
‘हाम्रो गोल लागुऔषध विरुद्धको गोल’ भन्ने मूल नाराका साथ यही चैत्र १५ गते देखी २३ गते सम्म प्रतियोगिता सञ्चालन हुने पत्रकार सम्मेलन मार्फत जानकारी दिएको छ ।
प्रतियोगितामा २० वर्ष उमेर समूहका १३ वटा टिमको सहभागिता रहने घोडाघोडी क्लबका अध्यक्ष होम तामाङ्गले जानकारी दिए ।यस क्षेत्रमा फुटबलको चहलपहल बढाउने, खेलाडी उत्पादन गर्ने,सुदूरपश्चिमलाई खेलकुद पर्यटनको माध्यमबाट चिनाउने र युवाहरूलाई कुलतमा फस्नबाट बचाउने उद्देश्यले प्रतियोगिता सञ्चालन गर्न लागिएको घोडाघोडी क्लबका अध्यक्ष होम तामाङ्गले जानकारी दिए ।
प्रतियोगिता सञ्चालन हुँदा यस क्षेत्रको आर्थिक, सांस्कृतिक,पर्यटन तथा व्यापार व्यवसाय प्रवर्द्धन हुने अपेक्षा आफूहरूले लिएको उनको भनाई थियो । पत्रकार सम्मेलनमा विभिन्न व्यक्तिहरूले प्रतियोगिताको सफलताको शुभकामना दिएका थिए । प्रतियोगितामा पहिलो हुने टिमले ५० हजार नगद सहित ट्रफी,मेडल र प्रमाणपत्र प्राप्त गर्ने छ भने दोस्रो स्थान हासिल गर्ने टिमले नगद ३५ हजार सहित ट्रली ,मेडल र प्रमाणपत्र प्राप्त गर्ने आयोजकले जनाएको छ । प्रतियोगिताका खेलहरू नकआउटका आधारमा खेलाइने बताईएको छ । सम्पूर्ण खेलहरू गोल नेपाल बाट प्रत्यक्ष प्रसारण हुने छ ।
खेलहरू घोडाघोडी क्लबको रङ्गशालामा सञ्चालने हुने बताइएको छ । कार्यक्रममा नगर प्रमुख,निमित्त प्रमुख प्रशासकीय अधिकृत, वडा नम्बर १ का वडा अध्यक्ष,सदस्यहरू,घोडाघोडी क्लब पदाधिकारीहरू,विभिन्न क्लबका प्रतिनिधिहरू र अन्य व्यक्तिहरूको उपस्थिति रहेको थियो । अहिले घोडाघोडी क्लबले नयाँ खेलाडी उत्पादन गर्ने देखी एन्फा सँग सहकार्य गरेर क्लबले काम गरिरहेको छ । विभिन्न ठाउँमा हुने खेल प्रतियोगितामा सहभागी जनाएर क्लबले थुप्रै प्रतियोगिता समेत जित हासिल गरिसकेको छ ।
