टीकापुर/ सांसद रेशम चौधरी समर्थित नेता कार्यकर्ताहरुको राष्ट्रिय भेला हुने भएको छ ।
मंसिर ११ र १२ गते उक्त भेला काठमाडौकाे ठमेलको एक होटलमा आयोजना हुने भएको हाे ।
बैठकमा रेशम चौधरीले तयार पारेको राजनीतिक प्रतिवेदन प्रस्तुत गरिने बताइएको छ । उहाँद्वारा लिखित राजनीतिक प्रतिवेदन प्रस्तुत गरिने उनी निकट नेताहरुले बताएका छन् ।
नयाँ पार्टी दर्ता गर्ने उद्देश्यले नै यो भेला बोलाइएको बताइएको छ । उहाका अनुसार रेशम चौधरी लगभग पार्टी छाडिसकेको र भेला पश्चात केही समयमा पार्टी दर्ता गर्नेछन्। पार्टी दर्ताको तयारीका लागि हरेक जिल्लामा कार्यक्रमहरु तयार भइरहेको बताइएको छ। हालः रेशम चौधरी डिल्लीबजारस्थित सदर जेलमा छन् ।
