टीकापुर/कैलालीको टीकापुर नगरपालिकाले अतिक्रमित सार्वजनिक जग्गा खालि गर्न सुरु गरेको छ ।
टीकापुर नगरपालिकाले वडा नम्बर ४ बाट अतिक्रमित सार्वजनिक जग्गा खालि गर्न सुरु गरेको हाे ।
नगरपालिकाले मंगलबार टीकापुर नगरपालिकाको वडा नं. ४ मौरनिया स्थित स्थानीय पदम कठायत र नरेन्द्र बोहराले सार्वजनिक जग्गा अतिक्रमण गरि बनाएको घर र एउटा घेरावार भत्काएर जग्गा खाली गर्न शुरु गरेकाे हाे ।
टीकापुर क्षेत्रमा रहेका सार्वजनिक जग्गा अतिक्रमण गरी बनाइएका संरचना भत्काउन तथा जग्गा खाली गर्न नगरपालिकाले मंगलबार देखि डोजर चलाएको नगर प्रमुख रामलाल डगौरा थारुले जानकारी दिनुभयो ।
टीकापुर नगरपालिकाले असोज १३ गते अतिक्रमित सार्वजनिक जग्गा खाली गर्न भन्दै ३५ दिने सार्वजनिक सूचना जारी गरेको थियो । टीकापुर नगर क्षेत्र भरि भएका अतिक्रमित सार्वजनिक जग्गा क्रमश खालि गरिने नगर प्रमुख थारुले बताउनुभयो ।
