टीकापुर/ टीकापुर नगरपालिकाले भुमिहिन दलित, भुमिहिन सुकुम्बासी र अव्यवस्थित बसाेवासिलाई लालपुर्जा वितरणका लागि निस्सा वितरण सुरु गरेपछि स्थानीयले खुसी भएका छन् ।
नगरपालिकाले मंसिर १२ गते देखि वडा नं. ६ बाट निस्सा वितरणको काम सुरु गरेपछि निस्सा हातमा पाउँदा भुमिहिन दलित, भुमिहिन सुकुम्बासी र अव्यवस्थित बसाेवासिहरु खुसि भएका हुन । टीकापुर नगरपालिकाले वडा नं. ६ बाट भुमिहिन दलित, भुमिहिन सुकुम्बासी र अव्यवस्थित बसाेवासिलाई लालपुर्जा वितरणका लागि निस्सा वितरण सुरु गरेकाे छ ।
मंसिर १२ गते मंगलबार भर्तापुर र भगवानपुरका भुमिहिन दलित, भुमिहिन सुकुम्बासी र अव्यवस्थित बसाेवासिलाई लालपुर्जा वितरणका लागि निस्सा वितरण गरिएको छ भने मंसिर १३ गते बेलुवाबाेझि र आम्वासा गाउँ, मंसिर १४ गते प्रसेनी, पानीमुला र ओखरपुर गाउँ, त्यसै गरि मंसिर १५ गते नारायणपुर र मिलनपुरका भुमिहिन दलित, भुमिहिन सुकुम्बासी र अव्यवस्थित बसाेवासिलाई निस्सा बितरण गर्ने कार्यक्रम रहेकाे छ । मंसिर १७ गते लछिनापुर र स्रिमेनी तथा मंसिर १८ गते छुटफुट रहेका भुमिहिन दलित, भुमिहिन सुकुम्बासी र अव्यवस्थित बसाेवासिलाई निस्सा बितरण गर्ने कार्यक्रम रहेकाे वडा अध्यक्ष बलिराम चाैधरीले जानकारी दिनुभयो । उहाँले निस्सा लिन आउदा स्वंयम सम्बन्धित व्यक्तिले सक्कल नेपाली नागरिकता प्रमाण पत्र लिएर आउनु पर्ने बताउनुभयो ।
नगरपालिकाले केही दिनमा अरु बांँकि वडाहरुमा समेत भुमिहिन दलित, भुमिहिन सुकुम्बासी र अव्यवस्थित बसाेवासिलाई लालपुर्जा वितरणका लागि निस्सा वितरणको काम सुर गर्ने नगर प्रमुख रामलाल डगाैरा थारुले जानकारी दिनुभयो । नगर प्रमुख थारुले निस्सा वितरणको काम सम्पन्न भए लगत्तै जग्गा नापजाँचकाे काम सुरु गरि समयमै भुमिहिन दलित, भुमिहिन सुकुम्बासी र अव्यवस्थित बसाेवासिलाई लालपुर्जा वितरण गर्ने तयारी भएको जानकारी दिनुभयो ।
