जमुना न्युरे,धनगढी/कुण्डा सव वन डिभिजन कार्यालय पचकडियाले मंगलबार देखि नि:शुल्क बिरुवा बितरण सुरु गरेको छ । सव वन डिभिजन कार्यालयले पुनर्वास क्षेत्रमा वन पैदावर वृद्धि र हरियाली बढाएर वातरणिय सन्तुलन कायम राख्न बर्सेनि बिरुवा उत्पादन गरि बितरण गर्दै आएको छ ।
आर्थिक वर्ष २०७९/०८० मा आफ्नो नर्सरीमा ६० हजार बिरुवा उत्पादन गरेका बिरुवा सामुदायिक बन , सघं सस्था र ब्यक्तिलाई नि:शुल्क बितरण गर्दा बनमा पर्ने चाप कम हुने ,बनमा अपनत्व हुने ,स्थानीयलाई सरक्षण ल्याउन सहज हुने गरेको सव वन डिभिजन कार्यालय पचकडियाका वन अधिकृत दिनेश कुमार यादवले बताए ।
यसरी निशुल्क रुपमा बिरुवा पाउँदा सामुदायिक बनले हैसियत बिग्रेको , नाङ्गो ठाउँमा हरियाली हुने स्थानीय बासुदेब सापकोटाले बताए । यो आर्थिक बर्षमा सब डिभिजन वन कुन्डाले नर्सरीमा पारिजात , टिक , अमला , मसला , बकाइनो , कोइरालो , जामुन र निम प्रजातिका बिरुवा उत्पादन गरिएको अधिकृत यादवले बताए ।
सव सव डिभिजन कार्यालय पचकडियाले उत्पादन गरेको बिरुवा मंगलबार पुनर्वास नगरपालिकाका मेयर तोयप्रसाद शर्माले बिरुवा बितरण कार्यक्रमको उद्घाटन गरेका थिए । बिरुवा बितरण कार्यक्रममा पुनर्वासका विभिन्न वडाका वडा अध्यक्ष , समाजसेवी लगायतको सहभागिता रहेको थियो
