टीकापुर/ टीकापुर लगायत देशका विभिन्न क्षेत्रमा कृषकलाई धान काट्नाकाे चटाराे छ ।
यस बर्ष समयमै धान पाकेपछि किसानहरुलाइ दशै लगत्तै धान काट्नाकाे चटारो भएको हाे ।
यो वर्ष समयमै बर्सात भएका कारण जिल्लामा प्रायः सबै ठाउँमा समयमै धान रोपाइँ सम्पन्न भएको थियो। किसानहरु समयमै धान काट्न सजिलो होस् भन्दै अहिले खेतमै खाना लिएर दिनभरि धान काट्ने गरेका टीकापुर नगरपालिका वडा नं. ७ का स्थानीय फुलपति चाैधरिले बताउनुभयाे ।
उनले भने, “समयमै धान पाकेको छ, पानी पर्ला र धान बिग्रेला भन्ने डरले हामी खेतमै खाना खाने र दिनभरि धान काट्ने गरेका छौँ।” चाैधरी जस्तै धेरै किसानहरुले खेतमा धान काटेर राखेका छन भने उनिहरुलाइ अहिले पानी पर्ने डरले सताउने गरेकाे छ ।
देशका धेरै ठाउँको मौसम अहिले सफा भए पनि बद्ली हुने सम्भावना रहेकाे छ । जल तथा मौसम पूर्वानुमान महाशाखाले विशेष बुलेटिन निकालेर साेमबार देखि धेरै ठाउँमा पानी पर्ने सम्भावना रहेको जानकारी गराएको हो ।
