धनगढी। एनएमबि बैंक लिमिटेड फूलवारी शाखाले संस्थागत समाजिक उत्तरदायित्व अन्तरगत शैक्षिक सामाग्री वितरण गरेको छ ।
धनगढी उपमहानगरपालिका- १८ फूलवारीमा रहेकाे शाखाले पाँच विद्यालयमा शैक्षिक सामाग्री वितरण गरेकाे हाे ।
जस अन्तरगत धनगढी-१४ फूलवारी स्थित सिद्धार्थ आधारभूत विद्यालय, पन्चाेदय माद्यामिक विद्यालय , सर्वाेदय माद्यामिक विद्यालयमा शैक्षिक सामाग्री वितरण गरेकाे हाे ।
यस्तै धनगढी १८ का ईन्द्राेदय आधारभूत विद्यालय र खप्तडी आधारभूत विद्यालयमा शैक्षिक सामाग्री वितरण गरिएकाे एनएमबि बैंक फूलवारी शाखाका प्रमुख करन धामीले जानकारी दिएका छन् ।
शैशिक सामाग्री वितरण गरिएका पाँचै विद्यालयलाई प्रति विद्यालय ५० हजारका दरले दुईलाख पचास हजार बराबरको शैक्षिक सामाग्री वितरण गरिएकाे शाखा प्रमुख धामीले जानकारी दिएका छन् ।
विद्यालयमै पुगेर शाखा प्रमुख धामी र बैंकका सुदूरपश्चिम प्रदेश प्रमुख श्याम अधिकारीले संयुक्तरुपमा चेक हस्तान्तरण गरेका थिए । सामाजिक उत्तरदायित्व अन्तरगत हरेक वर्ष बैंकले समुदाय स्तरमा सहयाेग गर्दै आएकाे प्रदेश प्रमुख अधिकारीले बताए । विगत लामाे समय देखि एनएमबि बैंकले धनगढीकाे ग्रमिणबस्तीमा रहेर सेवा प्रदान गर्दै आएकाे छ ।
