धनगढी,सुदूरपश्चिमाञ्चल साहित्य समाजको आयोजनामा नेपाली साहित्यका विराट प्रतिभा प्रथम वियोगान्त नाटककार स्व. पहलमान सिंह स्वारको १४६औँ जन्म जयन्ती मनाईयो । सुदूरपश्चिमाञ्चल साहित्य समाजले स्व. स्वारको योगदानको सम्मान गर्दै उहाँ कै स्मृतिमा समाजको भवनको नामाकरण पनि पहलमानसिंह स्वार स्मृति भवन गरेको छ ।
सुदूरपश्चिम विश्वविद्यालयका कार्यकारी सदस्य एवम् प्राध्यापक हरिकृष्ण कडायतले समारोहको उद्घाटन गर्दै स्वारको कृतित्व र व्यक्तितब माथि प्रकाश पार्दै सुदूरपश्चिम प्रदेशको अछाम जिल्ला मटेना गाउँमा जन्मेका स्वारले भाषा, साहित्य, सँस्कृती र शिक्षाको अवस्था दुरूह रहेको राणा शासनको समयमा विशिष्ट योगदान गर्नुभएको भन्नुभयो । नाटक दुखान्त नै हुदैन भन्ने पूर्वीय साहित्य परम्परालाई नयाँ मोड दिएर वियोगान्त नाटक अटल बहादुर रचना गरेर नेपाली नाटक लेखनको फाँटमा सुपलाई अग्रस्थानमा पुर्याउनु भएको गौरवमय पाटोको चर्चा गर्नु भयो ।
राज्यले स्व. स्वारको साहित्यिक, शैक्षिक र साँस्कृतिक योगदानको कदर स्वरूप पहलमानसिंह लोकमार्ग, जनस्तरबाट पुस्तकालय र कैलालीमा उहाको गाउँको नाम पनि पहलमानपुर राखिएको भन्नुभयो ।
सुप कला प्रतिस्स्ठानका महासचिव गुणाकर पनेरूले उनका कथा र नाटकको टेलीफिल्म निर्माण गर्ने सोच रहेको भन्नुभयो । साहित्य समाजका अध्यक्ष तीर्थराज पाडेयको सभापतित्वमा सम्पन्न कार्यक्रमको संचालन महासचिवले गणेश नेपालीले गरेका थिए ।
