सुदूरपश्चिमका मुख्यमन्त्री कमलबहादुर शाहले सुदूरपश्चिम प्रदेशलाई सूचनाको हकमैत्री प्रदेश बनाउने बताएका छन् । शुक्रवार कैलालीको भादामा आयोजित सूचनाको हकका लागि प्रदेश महासङ्घको अधिवेशनलाई सम्बोधन गर्दै मुख्यमन्त्री शाहले यस्तो बताएका हुन ।
“सूचनाको हकको कार्यान्वयन गर्ने कुरा, पारदर्शिता र सुशासन कार्यम गर्ने कुरामा म तयार छु । देश भरिमा सुदूरपश्चिमलाई सूचनाको हकमा पहिलो र हकमैत्री प्रदेश बनाउने चाहाना छ । त्यसका लागि सूचनाको हकको लागि राष्ट्रिय महासंघ सित सहकार्य गर्न तयार छ ।” उनले भने ।
अधिवेशनमा राष्ट्रिय सूचना आयोगका आयुक्त महेन्द्रमान गुरुङले सूचनाको हकको वर्तमान अवस्था, समस्या र चुनौतीका विषयमा प्रशिक्षण समेत गरेका थिए । सहभागीहरूले सूचनाको हकको प्रयोगमा भोग्नु परेका समस्या र चुनौतीका आफ्ना अनुभवहरू सुनाए । अधिवेशनले शुक्रवार नै प्रदेशको नयाँ कार्य समिति चयन गर्ने छ ।
