एल बी बुढा
टीकापुर/सांसद रेशम लाल चाैधरीको नयाँ दल नागरिक उन्मुक्ति पार्टी १९ गते बाजागाजा र सांस्कृतिक झाँकी सहित दर्ता गरिने भएको छ ।
बाजागाजा र सांस्कृतिक झाँकी सहित पुस १९ गते साेमवार रेशम लाल चाैधरीकाे नेतृत्वमा नयाँ दल ‘नागरिक उन्मुक्ति पार्टी’ नाम दिइए दर्ता हुने भएको हाे ।
यसअघि उनले पार्टीको नाम नागरिक समाजवादी पार्टी राख्ने तयारी गरिएकाे थियोे । आयोगमा गई सो नामबारेमा बुझेपछि साे नामले अरु कसैको पार्टी दर्ता भएकोले नागरिक समाजवादी पार्टी ‘नाम नराखेकाे बुझिएको छ ।
दर्ताको लागि आइतबारदेखि मंगलबार सम्म तीन दिन काठमाडाैँमा मुख्य स्थानहरूमा दलकाे ब्यानर, प्लेकार्ड तथा बाजागाजा सहित सांस्कृतिक झाँकी प्रस्तुत गर्ने कार्यक्रम समेत रहेको उक्त पार्टीले जनाएको छ । यसका लागि आवश्यक सुरक्षा प्रबन्ध मिलाइदिन काठमाडौँका प्रमुख जिल्ला अधिकारीसामु पत्राचार समेत गरि सकेकाे बुझिएको छ ।
दर्ता हुने पार्टीको नाम नागरिक उन्मुक्ति पार्टी र चुनाव चिन्ह ढकिया प्रस्ताव गरिएको बुझिएको छ । पुस १८ गते कार्यालयमा पार्टी दर्ताको काम हुने र साेहि दिन बृहत् झाकि सहितकाे काठमाडौंमा भेला हुने कार्यक्रम तय भएको छ । पुस १८, १९ र २९ गतेका लागि विभिन्न जिल्लाबाट झाकी र विभिन्न नाच सहित सांसद रेशम चाैधरी समर्थक नेता, कार्यकर्ता तथा कलाकारहरु दर्जनाै बस लिएर आज शनिवार काठमाडौं गइसकेको बुझिएको छ । नयाँ दल नागरिक उन्मुक्ति पार्टीमा २०१ जनाको केन्द्रीय सदस्य रहने व्यवस्था राखिएको छ । नयाँ पार्टीको चुनाव चिन्ह ढकिया राख्न लागिएको छ । त्यसैगरी पार्टीको आधारभूमिका रुपमा थरूहट क्षेत्र रहने उल्लेख छ । यद्यपि यो पार्टी राष्ट्रिय सोचका साथ राष्ट्रिय पार्टीका रुपमा खोलिन लागेको दस्तावेजमा उल्लेख छ । पार्टीमा सक्रिय राजनीतिको उमेर हद ६५ वर्ष कायम गर्ने प्रस्ताव गरिएको छ ।
पार्टीमा एकजना अध्यक्ष, ७ जना उपाध्यक्ष, तीनजना वरिष्ठ नेता, एक महासचिव, ७ जना सचिव, एक कोषाध्यक्ष र सातजना सह कोषाध्यक्ष रहने उल्लेख गरिएको छ ।
त्यसैगरी नयाँ पार्टीको शासकीय स्वरुपमा संघीयता, धर्म निरपेक्षता, जनताबाट प्रत्यक्ष निर्वाचित प्रधानमन्त्रीको व्यवस्था गरिने उल्लेख गरिएको छ । त्यसैगरी दलित जनजाति, थारु, मुस्लिम महिलाका लागि अनिवार्य आरक्षित सिटको व्यवस्था गरिने उल्लेख छ।
