भजनी/ कैलालीको भजनीनगरपालिकाकाे कुसुमघाटबाट दुई जना लागुओैषध सहित दुई जना पक्राउ परेका छन् ।
भजनी नगरपालिका-३ कुसुमघाटबाट २ ग्राम ७ सय ६० मिलिग्राम अवैध लागूऔषध खैरो हेरोइन जस्तो देखिने पदार्थ, ४ ट्याब्लेट नियन्त्रित लागूऔषध नाइट्राभेट सहित २ जनालाई बिहीबार साँझ प्रहरीले पक्राउ गरेको हाे ।
पक्राउ पर्नेहरुमा बर्दगोरिया गाउँपालिका-१ बौनिया बस्ने २० वर्षीय शाहिल ठाकुर र सुर्खेत चौकुने गाउँपालिका-४ बिजौरा बस्ने २१ वर्षीय रमेश बुढा क्षेत्री रहेका छन् ।
लु.८१ प ५००३ नम्बरको मोटरसाइकललाई ईलाका प्रहरी कार्यालय भजनी र सशस्त्र प्रहरी बल नेपालको समेतको संयुक्त प्रहरी टोलीले जाँच गर्ने क्रममा मोटरसाइकलमा सवार उनीहरुलाई उक्त लागूऔषध गाँजा सहित फेला पारी पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको छ ।
