लवदेव धामी,धनगढी / इजरायलमा हमासको आतंकवादी हमलामा मारिएका नेपाली विद्यार्थीहरू प्रति हार्दिक श्रद्धाञ्जली अर्पण गर्दै मृतक विद्यार्थीको चिरशान्तिको कामना गर्दै दिप प्रज्वलन गरेको हो। धनगढी पार्कमोडमा प्राज्ञिकका कार्यकर्ताको उपस्थितिमा दिप प्रज्वलन गरिएको प्राज्ञिकका कैलाली जिल्ला बिस्तारक प्रेम बोहोराले बताउनुभयो।
युद्धको चपेटामा फसेका नेपालीको यथाशीघ्र उद्धार र मृतका परिवारलाई राहात उपलब्धताको लागि नेपाल सरकार र सुदूरपश्चिम प्रदेश सरकारसँग प्राज्ञिक विद्यार्थी परिषद् नगर इकाइ धनगढीको जोडदार माग रहेको नगर सह – सचिव दशरथ धामीले बताउनुभयो।
लर्न एण्ड अर्न कार्यक्रम अन्तर्गत कृषि विज्ञान संकायमा अध्ययनरत विद्यार्थी इजरायल गएका थिए ।सुदुरपश्चिम विश्वविद्यालय टिकापुरमा अध्ययन गरिरहेका १० जना विद्यार्थीको युद्धमा परी असोज २० गते मृत्यु भएको जानकारी आएको थियो। जसमध्ये सुदूरपश्चिमका मात्रै ७ जना रहेका छन्।
