पौराणिक कला संस्कृति संरक्षणका लागि लवाङ्गी पुजा

शेयेर गर्नुहोस

धनगढी, ११ मंसीर । कैलालीको गौरीगंगा नगरपालिका–१०, सुन्दरपुरमा छैठौं लवाङ्गी पुजा तथा सांस्कृतिक कार्यक्रम २०८० हुने भएको छ ।


‘भाषा, कला संस्कृति हमार पहिचान, थारु वैदिक गुरुवा प्रशिक्षण केन्द्र संगे थारु संग्राहलय बनैना हमार अभियान’ भन्ने मूल नारा सहित यहि मंसीर १६ र १७ गते कार्यक्रम हुने भएको हो । थारु गुरुवा बैदावा सेवा समिति, भलमन्सा समिति, देउथान व्यवस्थापन समिति गौरीगंगाको आयोजना कार्यक्रम हुने जनाइएको छ ।


पौराणिक कला, संस्कृति, भेषभुषा, भलमन्सा, गुरुवा बैदवा सोह्रिनीयाहरुको संरक्षण तथा थारु देउथानको प्रचार प्रसार र धार्मिक पर्यटन प्रवर्धनका लागि कार्यक्रम आयोजना गर्न गइरहेको थारु गुरुवा बैदावा सेवा समितिका सचिव धनीराम चौधरीले बताए ।


२०७५ सालमा स्थापना भएको देउथानको प्रचारप्रसार र धार्मिक पर्यटक प्रवर्धन गर्ने उद्देश्य सहित सामुहिक देउथान स्थापना गरि प्रत्येक वर्ष लवाङ्गी पुजा र सांस्कृतिक कार्यक्रम हुँदै आएको छ । यसका साथै थारु वैदिक गुरुवा तालिम केन्द्र र संग्रहालयका लागि भवन निर्माण पनि भइरहेको जनाइएको छ ।
वडा नम्बर १० को कार्यालयले वैदिक गुरुवा तालिम केन्द्र निर्माणका लागि आर्थिक वर्ष २०७७÷०७८ र २०७८÷०७९ मा रु. पाँच÷पाँच लाख र २०७९÷०८० मा रु. सात लाख आर्थिक सहयोग गरेको छ । जुन निर्माणाधिन भवन अहिले लेन्टरसम्म निर्माण कार्य भएको सचिव चौधरीले जानकारी दिए ।
सचिव चौधरीका अनुसार तालिम केन्द्र निर्माण भएपछि थारु वैदिक गुरुवा तालिम केन्द्र, थारु सग्रहालय, योग अभ्यास केन्द्र, थारु वैदिक अध्ययन केन्द्रको रुपमा विकास गर्ने बताए ।
सांस्कृतिक संयोजक दिनेश दहितका अनुसार उक्त दुई दिने कार्यक्रममा सांस्कृतिक कार्यक्रम पनि हुने बताए । उनले सांस्कृतिक कार्यक्रम, ढाक बजाउने र गुरुवा नाच, रातभरि देवताको फुलवार बाचन, पुजापाठ गर्ने बताए ।
देउथानमा गाउँका ३५० किसान र १५० गुरुवा वैदावा आवद्ध रहेका छन् । उनीहरु प्रत्येकले रु. सयका दरले आर्थिक संकलन गरि कार्यक्रम गर्दै आएका छन् । साथै सरकारी तथा गैरसकारी संघसंस्था तथा विभिन्न व्यक्तित्वहरुको पनि सहयोग रहेको छ ।

Leave a Reply

Your email address will not be published. Required fields are marked *

सम्बन्धितखवर

छुटाउनु भयो कि !

शिक्षा/स्वास्थ्य

क्याम्पसले अनुसन्धान सम्बन्धि प्रथम राष्ट्रिय सम्मेलन गर्ने

जमुना न्युरे,धनगढी/कैलाली बहुमुखी क्याम्पसले प्रथम राष्ट्रिय सम्मेलन आयोजना गर्ने भएको हो। शिक्षा, समाज, व्यवस्थापन र विज्ञानको क्षेत्रमा विद्यमान ज्ञान,सीप र अनुभवको उजागर गर्न दुई दिने

अझै पढ्नुहोस्
समाचार

बालि जाेगाउन स्थानीयद्वारा सिमा क्षेत्रमा काडेतार

टीकापुर/ कैलालीको टीकापुर नगरपालिका वडा नं. ७ कालाकुण्डा स्थित सिमा क्षेत्रमा स्थानीयले काडेतार लगाएका छन् । स्थानीय किसानले लगाएको बालि जाेगाउन स्थानीयकाे सहकार्यमा सिमा क्षेत्रमा

अझै पढ्नुहोस्
राजनीति

टीकापुरमा माओवादी केन्द्रको पार्टी कार्यालय भवन उद्घाटन

टीकापुर/ कैलालीको टीकापुर नगरपालिकामा नेपाल कम्युनिष्ट पार्टी (माओवादी केन्द्र )काे वडा पार्टी कार्यालय उद्घाटन भएको छ । मंगलबार एक कार्यक्रमका विच वडा नं. २ काे

अझै पढ्नुहोस्
शिक्षा/स्वास्थ्य

शैक्षिकसत्र सुरु भएको नौ महिना सम्म धनगढीका बिद्यार्थीले पाएनन् पाठ्यपुस्त

दिपक बम, धनगढी । कैलालीको धनगढीमा शैक्षिक सत्र सुरुभएको नौ महिना बितिसक्दा समेत बिद्यार्थीहरुले पाठ्यपुस्तक पाएका छैनन् । आधारभूत तह (कक्षा १ देखी ८ सम्म)

अझै पढ्नुहोस्