अप्सरा बुढा,
टीकापुर/ नागरिक उन्मुक्ति पार्टी निर्वाचन आयाेगमा दल दर्ता भएको जानकारी गर्न टीकापुरमा पत्रकार सम्मेलन गरेको छ ।
पत्रकार सम्मेलनमा नयाँ दल नागरिक उन्मुक्ति पार्टीले संघियता, समाजवाद, देशभक्ति लाेकतन्त्रलाइ मुल सिद्धान्तलाई अंगिकार गर्दै पहिचान र भुगाेलकाे मुद्दा लिएर अगाडि बढ्ने जनाएको छ ।
पत्रकार सम्मेलनमा केन्द्रीय सदस्य तथा टीकापुर ७ का वडा अध्यक्ष रामलाल डगाैरा थारुले साे कुरा बताउनुभयो । केन्द्रीय सदस्य डगाैरा थारुले नागरिक उन्मुक्ति पार्टी निर्वाचन आयाेगमा १८१ दर्ता नम्बर सहित प्रमाण पत्र प्राप्त गरि सकेकाे बताउनुभयो । उहाँले भाैगाेलिक साँस्कृतिक पहिचान सहितकाे संघियतालाइ मुल सिद्धान्त बनाएर अघि बढ्ने बताउनुभयो । उहाँले जनजाति, दलित तथा पिछडिएका समुदायको हकहित र पहिचानको मुद्दालाई आत्मसात गरि आगामी चुनावमा जनता माझ जाने बताउनुभयो ।
पत्रकारहरुकाे जिज्ञासालाई सम्बाेधन गर्दै नागरिक उन्मुक्ति पार्टीका केन्द्रीय सदस्य तथा पार्टी प्रबक्ता दामोदर पण्डितले एमसीसी सम्झौताका बारेमा पार्टीले स्पष्ट धारणा नबनाएकाे भए पनि देश र जनताकाे अहितमा हुने कुनै पनि सन्धी सम्झौता स्कार्य नहुने बताउनुभयो । प्रवक्ता पण्डितले आगामी स्थानीय निकायकाे चुनावमा कुनै पार्टी संग समन्वय र सहकार्य नहुने बताउनुभयो । पण्डितले स्थानीय चुनावमा लड्न नागरिक उन्मुक्ति पार्टी एक्लै सच्छम रहेकोले पनि कुनै दल संग कुनै किसिमको सहमति र सहकार्य नगर्ने बताउनुभयो ।
केन्द्रीय सदस्य पण्डितले नागरिक उन्मुक्ति पार्टी पहिचानबादीकाे पार्टी भएकोले सम्पूर्ण जनजाति दलित तथा पिछडा वर्गका समुदायलाई गाेलबन्द भइ संगठित हुन अपिल गर्नुभयाे । पत्रकार सम्मेलनमा केन्द्रीय सदस्यहरु दामोदर पण्डित, रामलाल डगाैरा थारु, रमेश वि.क., लालविर चाैधरी र वलविर चाेैधरीकाे सहभागीता रहेको थियाे ।
पछिल्लो पटक नागरिक उन्मुक्ति पार्टीले विभिन्न वडामा आफ्नो संगठन विस्तार गरिरहेको छ । नागरिक उन्मुक्ति पार्टी दर्ता भइ संगठन विस्तार गर्न लागे संगै कैलाली लगायतका धेरै जसाे जिल्लामा बेग्लै किसिमको राजनीतिक तरंग फैलिरहेको बताइएको छ ।
