टीकापुर/नागरिक उन्मुक्ति पार्टीले आगामी जेठ ६ गतेदेखि १० गतेसम्म नेपाल बन्द गर्ने घोषणा गरेको छ । रिपोर्टर्स क्लब नेपालमा बुधबार पत्रकार सम्मेलन गरी नागरिक उन्मुक्ति पार्टीले नेपाल बन्दको घोषणा सार्वजनिक गरेको हो ।
रेशम चौधरीको मुद्दालाई राजनीतिक मुद्दा नबनाएर जन्मकैदको फैसला सदर भएको भन्दै पार्टीले आन्दोलनको घोषणा गरेको हो । राजधानीमा आयोजना गरिएको पत्रकार सम्मेलनमा दिएको जानकारी अनुसार ३ ,४, ५ गते देश व्यापी रुपमा राँके जुलुसगर्ने भनिएको छ । लाल आयोग सार्वजनिक गर्नुपर्ने मागगर्दै आन्दोलनको तयारी गरिएको पार्टीका नेता दामोदर पंण्डितले बताउनुभयाे ।
पत्रकार सम्मेलनमा लक्ष्मण थारुले थारु समुदायको आन्दोलनलाई हिसात्मक जत्थाको रुपमा व्याख्या गरिएको आरोप लगाउनुभयाे । राजनीतिकरण आन्दोलनलाई राजनीतिकरण तरिकाले संवोधन गर्नुपथ्यो उनले भन्नुभयाे। फेरिपनि अदालतको निर्णयलाई स्वीकार गछौं । तर हाम्रो चित्त दुखाई छ । थुर्पै आन्दोलनका शिर्ष नेताहरु सत्तामा छन् तर थारुलाई भित्तामै धकेल्नेगरी अझै द्धन्द्धमा धकेल्नेरी षडयन्त्र गरिएको छ नेता थारुले थपे, यो दुर्भाग्यपूर्ण छ । रेशम चौधरीलाई फसाउने नियतले गरेको क्रियाकलाप प्रति हामी सहमत छैनौं ।
पार्टीले सरकारलाई तीन दिनको अल्टिमेट दिएको छ । तीन दिन भित्र लाल आयोगको प्रतिवेदन, संसदिय समितिको प्रतिवेदन सार्वजनिक नभए हामी आन्दोलनमा जाने पार्टीका नेताहरुले बताएका छन् । कसैले हाम्रो माग संवोधन भएन भने सरकारलाई दिएको समर्थनबारे सोच्न बाध्य हुनेछौं पत्रकार सम्मेलनमा नेता लक्ष्मण थारुले भन्नुभयाे ।
