जमुना न्युरे,धनगढी/धनगढीमा सुदूरपश्चिम प्रदेश स्तरीय महिलावादी मञ्च २०८० हुने भएको छ ।
‘न्याय, समानता र पर्यावरणीय अधिकारको सुनिश्चितता : सामाजिक रुपान्तरण सहितको दिगो विकासमा सुनिश्चितता’ भन्ने मूल नारा सहित यहि असोज २५ र २६ गते धनगढीको शुभश्री प्यालेसमा कार्यक्रम हुने भएको हो ।
मञ्चमा मुख्यगरि महिलाको श्रमको अधिकार, शरीर र पर्यावरणीय न्याय, मानवीय संकट र महिलाको नेतृत्वको सवालमा प्यानल छलफल हुने पत्रकार सम्मेलन मार्फत जानकारी गराइएको हो ।
महिला मानव अधिकार रक्षकहरुको राष्ट्रिय सञ्जालकी संस्थापक अध्यक्ष डा. रेणु अधिकारी सामाजिक रुपान्तरण र महिलावादि दृष्टिकोणबाट सुदूरपश्चिम प्रदेशमा विद्यमान सवाललाई विश्लेषण तथा सम्वोधन गर्न कार्यक्रमको मुख्य उद्देश्य रहेको बताइन् ।
यसका साथै उनले नवनिर्वाचित जनप्रतिनिधीहरुलाई रुपान्तरीत नेतृत्व त्यसको महत्वबारे धारणागत स्पस्टता ल्याउन र मानव अधिकारको क्षेत्रमा क्रियाशील विभिनन समूह, सञ्जाल, संस्था र स्थानीय तहका जनप्रतिनिधी बिच समन्वय र सहकार्यका लागि वातावरण तयार गर्ने रहेको बताइन् ।
असोज २५ गते विहान ९ बजे उद्घाटन हुने कार्यक्रमका प्रमुख अतिथीमा उद्योग पर्यटन वन तथा बातावरण मन्त्री रमेश धामी रहेका छन् । विशेष अतिथीमा उपसभामुख कोइली देवी चौधरी र अतिथीहरुमा प्रदेश सभा सदस्य सन्तोष थापा, जुना दानी, ललिता सुनार, तुलसी देवकोटा, लक्ष्मी विक, गीता चौधरी, खेमा देवी विष्ट, इन्द्रा गिरी, जानकी ऐर, देवी कुँवर, पालिका प्रमुख र उपप्रमुख लगायत रहने जनाइएको छ ।
महिला मानव अधिकार रक्षकहरुको राष्ट्रिय सञ्जाल लगायत विभिन्न संघसंस्थाको आयोजनामा हुने कार्यक्रममा प्रदेशका ९ वटै जिल्लाका ८८ वटा पालिकाका महिला जनप्रतिनिधी, महिला मावन अधिकार रक्षक, महिला अधिकारका क्षेत्रमा काम गनेए संघसंस्थाका प्रमुख, स्थानीय सरकारका पदाधिकारी, सञ्चारकर्मी र महिला अधिकारकर्मी सहित ३ सय बढीको सहभागिता रहने जनाइएको छ ।
