ठेकेदारको कारण जनप्रतिनिधि कुटिने अवस्था छ :नगरप्रमुख रावत

शेयेर गर्नुहोस

कैलाली । कैलालीको घोडाघोडी नगरपालिका प्रमुख खडक बहादुर रावलले ठेकेदारका कारण जनप्रतिनिधि कुटिने अवस्था सिर्जना भएको बताएका छन् ।

शनिबार घोडाघोडी बहुमुखी क्याम्पसको सभाहलमा भएको ‘विकासका क्षेत्रहरूको पहिचान: स्थानीय निकायको नीतिनिर्माण तथा कार्यान्वयन र उच्च शिक्षा प्रदायक संस्थाको क्षमता अभिवृद्धि सम्बन्धी गोष्ठी’ मा बोल्दै नगर प्रमुख रावतले सो कुरा बताएका हुन् । उनले पछिल्लो समय जनप्रतिनिधिहरूले काम नगरेको भन्दै चर्को आलोचना हुने तथा गाली खानु पर्ने अवस्था ठेकेदारका कारण सिर्जना भएको बताएका हुन ।

नगर प्रमुख रावतले भने, ‘ जनप्रतिनिधिले योजना निर्माण गर्छन, बजेट विनियोजन गर्छन । त्यसपछि कार्यान्वयनका लागि टेन्डर प्रक्रियाबाट अगाडि बढाइन्छ । जब टेन्डर पर्छ त्यसपछि ठेकेदार बेपत्ता हुन्छन् अनि जनप्रतिनिधिले केही गर्न सकेन, वडा अध्यक्ष, उपमेयर, मेयर, माननीयले केही गरिदिएन भनी हामी माथि धारे हात लगाउने अवस्था सिर्जना भएको छ । यदि यही अवस्था रह्यो भने टोलटोलमा जनप्रतिनिधि कुटिने अवस्था छ ।’

कार्यक्रममा उपस्थित राष्ट्रिय योजना आयोगका सदस्य राम कुमार फुँयालको ध्यानाकर्षण गराउँदै रावतले टेन्डर प्रक्रियालाई सुधार गर्न र ठेकेदारले समयमै काम गर्ने वातावरण बनाउनतर्फ राष्ट्रिय योजना आयोग लाग्नु पर्ने बताएका छन् । साथै उनले चुरेभावर क्षेत्र चिराचिरा परिसकेकाले यसको संरक्षण गरि पर्यटक भित्र्याउन कुरामा समेत राष्ट्रिय योजना आयोगका सदस्य फुँयालको ध्यानाकर्षण गराएका थिए । यसका साथै उनले घोडाघोडी नगरपालिकामा निर्माणाधीन नगर अस्पताल अलपत्र छाडी ठेकेदार बेपत्ता भएको र आर्थिक अभावका कारण पनि अस्पताल निर्माण हुन नसकेको बताएका छन् ।

कार्यक्रममा सुदूरपश्चिम प्रदेश निती तथा योजना आयोगका सदस्य दिपिका भट्ट, घोडाघोडी नगरपालिकाका, जोशीपुर गाउँपालिका, भजनी नगरपालिका, बर्दगोरिया गाउँपालिकाका जनप्रतिनिधिहरू र घोडाघोडी बहुमुखी क्याम्पसका सञ्चालक समितिका पदाधिकारी, प्राध्यापक तथा कर्मचारीको समेत उपस्थिति रहेको थियो ।

Leave a Reply

Your email address will not be published. Required fields are marked *

सम्बन्धितखवर

छुटाउनु भयो कि !

समाचार

धनगढीका नगरप्रहरीद्वारा पत्रकार माथि दुर्यवहार

धनगढीका नगरप्रहरीद्वारा पत्रकार माथि दुर्यवहार गरिएको छ। धनगढी उपमहानगरपालिका एक नगरप्रहरीले सनराइज टेलिभिजनका पत्रकार सुदिप थापा माथि भिडियो खिच्द‌ै गर्दा दुर्ववहार गरेका हुन्। थापामाथि दुर्ववहार

अझै पढ्नुहोस्
राजनीति

टीकापुरमा नागरिक उन्मुक्ति पार्टीले नगर प्रमुख सहित सबै वडाकाे उम्मेद्वारि दर्ता

टीकापुर/टीकापुर नगरपालिकामा नागरिक उन्मुक्ति पार्टीले नगर प्रमुख, उप प्रमुख लगायत सबै वडाका उम्मेद्वारी घाेषणा गरि निर्वाचन कार्यालयमा दर्ता गरेका छन । आइतबार नगर प्रमुख, उप

अझै पढ्नुहोस्
समाचार

सहकारीका पदाधिकारीलाई बिपद् जाेखिम हस्तान्तरण क्षमता अभिबृदि तालिम

मान बहादुर ठकुल्ला,टीकापुर / ककैलालीकाे टीकापुर नगरपालिका वडा न ७ सत्तीमा सहकारीका पदाधिकारीलाई बिपद् जाेखिम हस्तान्तरण क्षमता अभिबृदि सम्बन्धि २ दिने तालिम आइतबारबाट शुरु भएकाे

अझै पढ्नुहोस्
राजनीति

नेपाली काङ्ग्रेस प्रदेश कार्यालय उद्घाटन

जमुना न्युरे,चाैमाला/ नेपाली काङ्ग्रेस क्षेत्र न.४ (क )को प्रदेश कार्यालयको आज गौरीगंगा नगरपालिकाको वडा न.१ चौमालामा नेपाली काङ्ग्रेस सुदूरपश्चिम प्रदेश सदस्य सुरत रावत(डोटेली कान्छा)ले एक

अझै पढ्नुहोस्