टीकापुर/नागरिक उन्मुक्ति पार्टीको प्रथम वडा भेला तथा वडा समिति गठन गरिएको छ ।
मंगलबार कैलालीको टीकापुर नगरपालिका वडा नं. ५ मनिकापुरमा नागरिक उन्मुक्ति पार्टीकाे प्रथम वडा भेला तथा वडा समिति गठन कार्य सुरु गरिएको हाे ।
केन्द्रीय सदस्य वलविर थारुकाे अध्यक्षतामा भएको वडा भेला तथा वडा कमिटी गठन कार्यक्रममा केन्द्रीय सदस्य दामोदर पन्डित, केन्द्रीय सदस्य रामलाल डगाैरा थारु, केन्द्रीय सदस्य लक्ष्मण किशाेर चाैधरी, केन्द्रीय सदस्य रमेश वि.क. लगायतले शुभकामना मन्तव्य राख्नुभएको थियाे ।
फूलराम चौधरीकाे संयाेजकत्वमा ५१ सदस्यीय वडा समिति गठन भएको छ । जसकाे सह- संयाेजकमा नरैना चाैधरी, काेषाध्यक्षमा उषा कुमारी चाैधरी, सचिवमा नेत्र चाैधरी र सह-सचिवमा मायाराम चाैधरी चयन हुनुभएको छ । कार्यक्रम संचालन केन्द्रीय सदस्य लालविर चाैधरीले गर्नुभएको थियाे ।
माननीय रेशमलाल चाैधरीकाे धर्मपत्नी रन्जिता श्रेष्ठ चाैधरीकाे नेतृत्वमा नयाँ दल दर्ता भए संगै कैलाली लगायतका विभिन्न जिल्लामा नागरिक उन्मुक्ति पार्टीको तिव्ररुपमा संगठन विस्तार भइरहेको छ । पछिल्लो पटक नागरिक उन्मुक्ति पार्टी दर्ता भए संगै कैलाली लगायतका धेरै जसाे जिल्लामा बेग्लै किसिमको राजनीतिक तरंग फैलिएको बुझिएको छ ।
