टीकापुर/ टीकापुरमा प्रहरीले खुकुरी प्रहार गरि हत्या गर्ने एक जनालाई नियन्त्रणमा लिएको छ ।
टीकापुर नगरपालीका वडा नं. ८ कालीमाटी बस्ने लोक बहादुर साउदको १८ वर्षको छाेरा अनुप साउदकाे चक्कु प्रहार गरि हत्या गरेको आराेपमा भजनी नगरपालीका वडा नं. ३ ठेकीपुर बस्ने दल बहादुर साउदको छोरा बर्ष १८ को किरण साउदलाई प्रहरीले नियन्त्रणमा लिएको हाे ।
राति करिब साढे १० बजे तिर डिजेमा नाच्ने बेलामा सामान्य विवाद भएको र साेहि बेला भजनी नगरपालिका वडा न ३ ठेकिपुरका किरण साउँदले प्रहार गरेकाे खुकुरीबाट अनुप साउदकाे ज्यान गएकाे कालाकुण्डा प्रहरी चाैकिका प्रहरी नायब निरिक्षक राजेन्द्र कार्कीले जानकारी दिनुभयाे । खुकुरी प्रहारबाट आन्द्रा बाहिर निस्केकाे र उपचारका लागि टीकापुर अस्पताल लगिएको र उपचारका क्रममा नै ज्यान गएकाे प्रहरीले जानकारी दिएको छ ।
घटना बारे थप अनुसन्धान भइरहेको इलाका प्रहरी कार्यालय टीकापुरले जनाएको छ ।
