विनोद चाैधरि, दुर्गाैलि / जानकि गाउँपालिकाका चार असहाय बालबालिकाले आर्थिक सहयोग पाएका छन् । युनिसेफ नेपाल र बागेश्वरी असल शासन युवा क्लव (बास)द्वारा बाल संरक्षण कार्यक्रम अन्तरगत वडा नम्बर १ र ९ का उनीहरुलाई ५/५ हजार सहयोग गरेको छ ।
बागेश्वरी असल शासन युवा क्लव (बास) टिकापुरका काेवाे रिपोर्टर भिम वि. क.का अनुसार सहयोगमा पाउनेमा वडा नं. १ का प्रिन्सा चाैधरि र राेहित चाैधरि रहेका छन् । उनिहरुलाई विद्यालय पाेशाक र शैक्षिक सामाग्रीका लागि ५ हजार वडा सदस्य राधा भुल र अनिता चाैधरिकाे उपस्थितिमा सहयोग प्रदान गरिएको थियो । विपन्न तथा जाेखिम अवस्थामा रहेका बालबालिकालाई साे सहयोगले पढाइमा सहयोग पुग्ने वडा सदस्य राधा भुलले बताइन् ।
वडा नं. ९का आमाबाबु गुमाएर छिमेकीको घरमा बस्ने दिपेन्द्र चाैधरि र साजन चाैधरिलाई वडा नम्बर ९ का वडा सदस्य हर्कराज भाट र वडा सचिव प्रेम बुढाको राेहवरमा बडघर ठग्गुराम चाैधरिलाइ रकम हस्तान्तरण गरिएको जनाइएको छ ।
आमा बुवा नभएपछि आफन्तको आश्रयमा बस्दै आएका उनीहरुलाई पढाईमा सहयोगका लागि रकम दिइएको छ । उनीहरुलाई वडा प्रतिनिधिकाे राेहवरमा रकम हस्तान्तरण गरिएको छ । कार्यक्रममा जानकि गाउँपालिकाका अध्यक्षका स्वकीय सचिव भाेज बहादुर चाैधरि ,बडघर वास नेपालका प्रतिनिधि भिम विक लगायतका सहभागी भएका थिए ।
आगामी आइतबार साे गाउँपालिकाका अन्य १३ जना असहाय बालबालिकालाई नगद सहयोग हस्तान्तरण गरिने वासका प्रतिनिधि भिम विकले जानकारी दिए ।
