जमुना न्युरे, / गौरीगंगा नगर स्तरीय सामुदायिक मेलमिलाप केन्द्र चौमालाको आयोजनामा चौमाला बजारमा तिज विशेष खुल्ला महिला नृत्य प्रतियोगिता आयोजना गर्ने भएको छ।
गौरीगंगा नगरपालिका चौमालाको आर्थिक सहयोग गोप्का-चौमाला बजार ब्यवस्थापन समिती,वडा नं-१,वडा कार्यालय र रेडक्रस उप-शाखा चौमालाको समन्वयमा भदौ ३० गते शनिबारका दिन बृहत खुल्ला तिज महिला नृत्य प्रतियोगिता -२०८० आयोजना गर्न लागेको संयोजक हेमन्त राज जोशी (बाजे) ले जानकारी दिए।
प्रतियोगितामा सहभागी भइ प्रथम क्रमशः दिर्तिय र तृतीय हुने समूह वा ब्यक्तीलाई नगद रु.५०००,३०००,२००० र १,००० का साथै प्रमाणपत्रको ब्यवस्था गरिएको छ भने नगरपालिका भित्र बसोबास गर्ने ब्यक्ती,बिधालय,समुह,सहकारी,आमा समुहहरुले समेत सहभागीता जनाउन सकिनेछ।
महिलाहरूमा हर्स,खुशी र उमंगका साथ पर्व मनाउने उपयुक्त बाताबरण सृजना गर्नुका साथै संस्कृति संरक्षणमा टेवा पुर्याउने उदेश्यका साथ कार्यक्रमको आयोजना गर्न लागीएको समितिका संयोजक हेमन्त बाजे ले बताउनु भएको छ।
